Ee Kathalo Nenu Movie: రొమాంటిక్ చిత్రంగా 'ఈ కథలో నేను'.. ఫస్ట్లుక్ విడుదల
Ee Kathalo Nenu Movie First Look Released: హోమానంద్, రేవంత్ సిమ్రాన్ పరింజా (తెలుగు కిర్రాక్ పార్టీ సినిమా ఫేం) హీరోహీరోయిన్లుగా రొమాంటిక్ లవ్స్టోరీగా తెరెకెక్కుతున్న సినిమా 'ఈ కథలో నేను'. ప్రస్తుతం ఈ సినిమా చిత్రీకరణ హైదరాబాద్, గోవా పరిసర ప్రాంతాల్లో జరుగుతోంది. సాయిమాధవ్ బుర్రా ఈ సినిమాకు ప్రముఖ మాటల రచయితగా వ్యవహరించడమే కాకుండా స్క్రీన్ప్లే కూడా అందించారు. ఈ సినిమా ఫస్ట్లుక్ను చిత్రబృందం శనివారం (ఫిబ్రవరి 26) విడుదల చేసింది. త్వరలో ఫస్ట్ లుక్ను రిలీజ్ చేయనున్నట్లు మేకర్స్ తెలిపారు.
ఈ సినిమాకు యంయస్. ఫణిరాజ్ దర్శకత్వం వహించగా టీవీ కేశవతీర్థ అవతార్ ఫిలింస్ బ్యానర్పై ప్రొడక్షన్ నెం 1గా నిర్మించారు. ఈ చిత్రానికి దివంగత పద్మశ్రీ సిరివెన్నెల సీతారామ శాస్త్రి, సాయికిరణ్, రెహమాన్, సాగర్ సాహిత్యం అందించారు. మధు రెడ్డి ఎడిటర్గా వ్యవహరిస్తున్న ఈ సినిమాకి శ్రీయోగి సంగీతం సమకూర్చారు. మల్హర్ బట్ జోషి డైరెక్టర్ ఆఫ్ ఫోటోగ్రఫీగా పనిచేయగా ఎం. అచ్చిబాబు ఎగ్జిక్యూటివ్ ప్రొడ్యూసర్గా బాధ్యతలు నిర్వర్తించారు.
