మలయాళ నటుడు ఫాహద్‌ ఫాజిల్‌ నటించిన మాలిక్‌ చిత్రం ఈరోజు ఓటీటీలో విడుదలైన సంగతి తెలిసందే. విభిన్న కథలను ఎంచుకుంటూ విలక్షణ నటుడిగా పేరు తెచ్చుకున్న ఫాహద్‌ ఫాజిల్‌కు మాలీవుడ్‌లో మంచి ఫాలోయింగ్‌ ఉంది. ఇక గురువారం విడుదలైన ‘మాలీక్‌’ మూవీకి మంచి రెస్పాన్స్‌ వస్తోంది. ఈ క్రమంలో ఫాహద్‌ ఓ ఛానల్‌తో ముచ్చటిచ్చాడు. ఈ సందర్భంగా పుష్ప మూవీ గురించి చెప్పుకొచ్చాడు.
‘పుష్ప ఆఫర్‌ రావడానికి ముందే నేను డైరెక్టర్‌ సుకుమార్‌ సినిమాలు చూసేవాడిని. ఆయన క్యారెక్టరైజేషన్‌ చాలా ఆసక్తిగా ఉంటుంది. దీంతో ఆయన సినిమాలో నటించే అవకాశం వస్తే బాగుండని తరచూ అనుకునేవాడిని. అలాగే అల్లు అర్జున్‌ సినిమాలు కూడా చూశాను. తను ఎంచుకునే కథలు.. పాత్రలు చాలా డిఫరెంట్‌గా ఉంటాయి. ముఖ్యంగా బన్ని డాన్స్ బాగా చేస్తాడు. తనతో కలిసి ఒక సినిమా అయినా చేయాలనుకున్నాను. లక్కీగా ఇద్దరితో కలిసి చేసే అవకాశం వచ్చింది. చాలా సంతోషంగా ఉంది. త్వరలోనే షూటింగులో జాయిన్ అవుతాను’ అని ఫాహద్‌ పేర్కొన్నాడు.
