లైగర్‌ చిత్రంలో మాజీ బాక్సింగ్‌ చాంపియన్‌ మైక్‌ టైసన్‌

27 Sep, 2021 16:29 IST|Sakshi

విజయ్‌ దేవరకొండ హీరోగా నటిస్తున్న పాన్‌ ఇండియా చిత్రం ‘లైగర్‌’. సాలా క్రాస్‌ బ్రీడ్‌ అనేది ఉపశీర్షిక.  పూరీ జగన్నాథ్‌ దర్శకత్వం వహిస్తున్న ఈ చిత్రంలో అనన్య పాండే హీరోయిన్‌గా నటిస్తోంది. పూరీ కనెక్ట్స్‌, ధర్మ ప్రొడెక్షన్స్‌ సంయుక్తంగా ఈ చిత్రాన్ని నిర్మిస్తున్నాయి. ఇందులో విజయ్‌ బాక్సర్‌గా అలరించబోతున్న సంగతి తెలిసిందే. ఈ సినిమాలో విజయ్‌ లుక్‌కు అదిరిపోయే రెస్పాన్స్‌ వచ్చింది. ఇదిలా ఉండగా తాజాగా ఈ మూవీ నుంచి క్రేజీ అప్‌డేట్‌ బయటకు వచ్చింది.

చదవండి: ఆకట్టుకుంటున్న ‘కొండపొలం’ ట్రైలర్‌, వైష్ణవ్‌ను ఆటపట్టిస్తున్న రకుల్‌..

లైగర్‌లో లెజెండరి మాజీ ఆటగాడు, బాక్సింగ్‌ చాంపియన్‌ మైక్‌ టైసన్‌ కీలక పాత్ర పోషిస్తున్నట్లు మేకర్స్‌ ప్రకటించారు. బాక్సింగ్‌ బ్యాక్‌ డ్రాప్‌లో తెరకెక్కెన ఈ చిత్రంలో మైక్‌ టైసన్‌ క్లైమాక్స్‌ యాక్షన్‌ సీన్‌లో రింగ్‌లోకి దిగుతున్నట్లు మేకర్స్‌ స్పష్టం చేశారు. అమెరికాకు చెందిన మైక్‌ టైసన్‌.. బాక్సింగ్‌లో ఏడు సార్లు ప్ర‌ప‌చం ఛాంపియ‌న్‌గా నిలిచాడు. కింగ్ ఆఫ్ ద రింగ్‌గా ప్ర‌ఖ్యాతిగాంచి లెజండ‌రీ బాక్స‌ర్‌గా మైక్ గుర్తింపు పొందాడు. క్లైమాక్స్‌లో టైస‌న్ త‌న పంచ్‌ల‌తో అల‌రించ‌నున్నారు. మిక్స్‌డ్ మార్షియ‌ల్ ఆర్ట్స్ ఫైట‌ర్ క్యారెక్ట‌ర్‌లో విజ‌య్ దేవ‌ర‌కొండ లైగర్‌లో అలరించనున్నాడు. ప్రస్తుతం గోవాలో షూటింగ్‌ను జరపుకుంటున్న ఈ చిత్రం సెప్టెంబర్‌ 29న ప్రేక్షకుల ముందుకు రానుంది. తెలుగు,హిందీ, తమిళం, కన్నడలో ఒకేసారి ఈ మూవీ విడుదల కానుంది. ఇందులో బాలీవుడ్‌ నటుడు సునీల్‌ శెట్టి కీలక పాత్ర పోషిస్తుండగా.. సినీయర్‌ నటి రమ్యకృష్ణ కూడా ప్రధాన పాత్రలో కనిపించబోతుంది. 

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు