Ram Pothineni Got Injured : హీరో రామ్‌ పోతినేని గాయాలపాలయ్యారు. జిమ్‌లో వర్కవుట్స్‌ చేస్తుండగా ఆయన మెడకు గాయమైంది. ఈ విషయాన్ని స్వయంగా రామ్‌ సోషల్‌ మీడియా వేదికగా వెల్లడించాడు. తనకు అయిన గాయాన్ని చూపిస్తూ ఫోటోను షేర్‌ చేశాడు. దీంతో 'రామ్‌ త్వరగా కోలుకోవాలి..గెట్‌ వెల్‌ సూన్‌' అంటూ కామెంట్లు చేస్తున్నారు. కాగా ప్రస్తుతం రామ్‌ లింగుస్వామి దర్శకత్వంలో ఓ పాన్‌ ఇండియా చిత్రంలో నటిస్తున్న సంగతి తెలిసిందే.
ఈ సినిమా కోసం తన బాడీ ట్రాన్స్‌ఫర్మేషన్‌ కోసం రామ్‌ జిమ్‌లో వ్యాయామం చేస్తూ గాయాలపాలయ్యారు. RAPO19గా తెరకెక్కుతున్న ఈ సినిమా ప్రస్తుతం సెట్స్‌పై ఉంది. రామ్‌కి గాయం కావడంతో ప్రస్తుతం షూటింగ్‌కి బ్రేక్‌ ఇచ్చినట్లు తెలుస్తుంది. కృతిశెట్టి ఈ సినిమాలో హీరోయిన్‌గా నటిస్తుంది.
