విలన్స్ ట్రెండ్ మారుతోంది. భయంకర రూపంతో కాకుండా అందమైన రూపం, ఫ్యాషనబుల్ లుక్తో ఆకర్షిస్తున్నారు. అటువంటి అందమైన విలన్స్ జాబితాలో చేరి అలరిస్తోంది వెబ్స్టార్ కీర్తి చౌదరి.
► పుట్టింది, పెరిగింది, చదివింది అంతా ఢిల్లీలోనే. అక్కడే ఢిల్లీ యూనివర్సిటీలో డిగ్రీ చేసింది.
► కాలేజీ రోజుల్లోనే మోడలింగ్ చేసేది. వివిధ ఫ్యాషన్ షోల్లోనూ పాల్గొనేది.
► హీరోయిన్ కావాలనే తన కలను నిజం చేసుకునేందుకు, ట్రైన్ ఎక్కి ముంబై చేరింది.
► ఒకవైపు మోడలింగ్ చేస్తూ, సినిమా అవకాశాల కోసం ప్రయత్నించేది.
► సుమారు రెండు సంవత్సరాల తర్వాత ఆమె ప్రయత్నం ఫలించింది. 2018లో ‘గందీ బాత్’ అనే వెబ్ సిరీస్లో నటించే అవకాశం దక్కింది. అది మంచి విజయం సాధించడంతో సినిమా అవకాశాలు క్యూ కట్టాయి.
► 2019లో ‘22 డేస్’ సినిమాతో బాలీవుడ్లోకి అడుగు పెట్టి, వెంటనే ‘మర్దానీ–2’ సినిమాలో ప్రముఖ నటి రాణీ ముఖర్జీతో పాటు కలసి నటించే చాన్స్ కొట్టేసింది.
► వరుస హిట్ సినిమాల్లో నటించినా ఆశించిన గుర్తింపు దక్కలేదు. దీంతో బుల్లితెరను ఎంచుకుంది.
► యాంకర్గా మారి, పలు టీవీ షోలకు వ్యాఖ్యాతగా వ్యవహరించింది.
► ప్రస్తుతం జీ టీవీలో ప్రసారమయ్యే ‘హమారీ బహు సిల్క్’ సీరియల్లో లేడీ విలన్గా నటిస్తోంది.
నా పాత్రను ప్రేక్షకులు విమర్శంచడాన్ని చాలా ఆనందిస్తాను. ఎందుకంటే, నెగెటివ్ రోల్ దక్కడం ఓ వరం. భిన్నమైన పాత్రలు పోషిస్తేనే పరిపూర్ణమైన నటిగా మారగలం.
– కీర్తి చౌదరి