‘అరవింద సమేత వీర రాఘవ’ చిత్రం తర్వాత ఎన్టీఆర్‌ – త్రివిక్రమ్‌ కాంబినేషన్‌లో మరో సినిమా తెరకెక్కనుంది. ఇది ఎన్టీఆర్‌ కెరీర్‌లో 30వ చిత్రం. రాజమౌళి దర్శకత్వంలో చేస్తున్న ‘ఆర్‌ఆర్‌ఆర్‌’ పూర్తయిన వెంటనే ఈ చిత్రాన్ని ప్రారంభిస్తారు ఎన్టీఆర్‌. ఈ సినిమా టైటిల్‌ గురించి చాలా వార్తలు వినిపిస్తున్నాయి. ఈ చిత్రానికి సంబంధించిన ఓ అప్‌డేట్‌ను నిర్మాత నాగవంశీ ఇచ్చారు. ‘‘యంగ్‌ టైగర్‌ అభిమానులందరూ ‘ఎన్టీఆర్‌ 30’ కోసం ఎదురు చూస్తున్నారని తెలుసు.
కానీ సినిమాకు సంబంధించిన ఏ ప్రకటన అయినా షూటింగ్‌ ప్రారంభించాక ప్రకటించాలనే చిన్న సెంటిమెంట్‌ మా నిర్మాణ సంస్థకు ఉంది. షూటింగ్‌ జరపకముందే ఏదీ ప్రకటించడానికి పెద్దగా ఇష్టపడం. కానీ మిమ్మల్ని సర్‌ప్రైజ్‌ చేసే ఎన్నో విశేషాలతో ఈ సినిమా తెరకెక్కబోతోంది’’ అని అన్నారు. హారికా హాసినీ, ఎన్టీఆర్‌ ఆర్ట్స్‌ బ్యానర్లు ఈ సినిమాను నిర్మించనున్నాయి.
