మార్చి నుంచి హస్తినకు?

17 Nov, 2020 03:45 IST|Sakshi

ఎన్టీఆర్, త్రివిక్రమ్‌ కాంబినేషన్‌లో ఓ సినిమా ఉంటుందనే విషయం తెలిసిందే. ఇప్పుడు ఈ సినిమా మార్చి నెలలో సెట్స్‌ మీదకు వెళ్తుందని సమాచారం. ‘అరవింద సమేత వీరరాఘవ’ తర్వాత రెండో సినిమా కోసం ఈ కాంబినేషన్‌ కుదిరింది. హారికా హాసినీ క్రియేషన్స్, ఎన్టీఆర్‌ ఆర్ట్స్‌ బ్యానర్లపై యస్‌.రాధాకృష్ణ, కల్యాణ్‌ రామ్‌ నిర్మించనున్నారు. ఈ సినిమాకు ‘అయిననూ పోయిరావలె హస్తినకు’ అనే టైటిల్‌ ప్రచారంలో ఉంది.

పొలిటికల్‌ థ్రిల్లర్‌గా ఈ సినిమా ఉంటుందనే టాక్‌ కూడా ఉంది. ప్రస్తుతం ఎన్టీఆర్‌ ‘ఆర్‌ఆర్‌ఆర్‌’ సినిమా చేస్తున్నారు. ఈ సినిమాలో ఎన్టీఆర్‌ పాత్రకు సంబంధించి చిత్రీకరణ ఫిబ్రవరికి పూర్తవుతుందట. అది పూర్తి కాగానే మార్చి నుంచి త్రివిక్రమ్‌ సినిమా సెట్లో అడుగుపెట్టనున్నారు ఎన్టీఆర్‌. ఇది ఎన్టీఆర్‌ కెరీర్‌లో 30వ సినిమా. ఈ సినిమాలో హీరోయిన్‌గా బాలీవుడ్‌ బ్యూటీ జాన్వీ కపూర్‌ పేరును పరిశీలిస్తున్నారని సమాచారం. 

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు