దాదాపు పదమూడేళ్ల తర్వాత మళ్లీ ఓ మలయాళ సినిమాకు గ్రీన్‌ సిగ్నల్‌ ఇచ్చారు హీరోయిన్‌ జ్యోతిక. ఈ నెల 18న జ్యోతిక బర్త్‌ డే. ఈ సందర్భంగా ఈ సినిమాకు సంబంధించిన అధికారిక ప్రకటన వెల్లడైంది. మమ్ముట్టి హీరోగా మలయాళ హిట్‌ ‘ది గ్రేట్‌ ఇండియన్‌ కిచెన్‌’ ఫేమ్‌ జో బేబీ దర్శకత్వంలో ‘కాతల్‌’ అనే సినిమా రూపుదిద్దుకోనుంది.
ఈ సినిమాలోనే జ్యోతిక హీరోయిన్‌గా నటించనున్నారు. త్వరలోనే షూటింగ్‌ స్టార్ట్‌ కానుంది. ఇక ఇప్పటికే తెలుగు, తమిళం, హిందీ భాషల్లో పలు సినిమాలు చేసిన జ్యోతిక ఇంతకుముందు మలయాళంలో ‘రాఖిలి పట్టు’(2007), ‘సీతాకల్యాణం’ (2009) అనేసినిమాలు చేసిన సంగతి గుర్తుండే ఉంటుంది.
