Kajal Aggarwal : బాలయ్యకు జోడీగా కాజల్‌ అగర్వాల్‌.. షూటింగ్‌ షురూ

21 Mar, 2023 13:45 IST|Sakshi

హీరోయిన్‌ కాజల్‌ అగర్వాల్‌ సెకండ్‌ ఇన్నింగ్స్‌లో జోరుమీదుంది. ఇప్పటికే కమల్‌హాసన్‌లో ఇండియన్‌-2 లో నటిస్తున్న కాజల్‌ ఇప్పుడు మరో బడా ప్రాజెక్ట్‌లో నటిస్తుంది. నందమూరి బాలకృష్ణ హీరోగా అనిల్‌ రావిపూడి దర్శకత్వంలో ఓ భారీ బడ్జెట్‌ సినిమా రూపొందుతున్న సంగతి తెలిసిందే.

ఇందులో హీరోయిన్‌‌గా కాజల్ నటించబోతోందని గత కొన్నాళ్లుగా వార్తలొస్తున్నాయి. అయితే ఇప్పుడు వాటినే నిజం చేస్తూ అఫీషియల్‌ అనౌన్స్‌మెంట్‌ ఇచ్చేశారు మేకర్స్‌. ఈ సందర్భంగా మూవీ టీం ఆమెకు వెల్‌కమ్‌ ఆన్‌బోర్డ్‌ అంటూ స్వాగతం పలికింది.

బాలయ్యతో కాజల్‌ నటించనున్నట్లు మేకర్స్‌ ప్రకటించారు. ఇక ఈ చిత్రంలో కాజల్‌తో పాటు ధమాకా బ్యూటీ శ్రీలీల కూడా నటిస్తున్న సంగతి తెలిసిందే. బాలయ్య కెరీర్‌‌‌‌లో ఇది 108వ చిత్రం కావడంతో ఇప్పటికే ఫ్యాన్స్‌లో భారీ అంచనాలు నెలకొన్నాయి. 
 

మరిన్ని వార్తలు