ఈ ఏడాది సంక్రాంతికి మంచి హిట్‌ అందుకొని, అల్లు అర్జున్‌కి కమ్‌బ్యాక్‌ హిట్‌గా నిలిచిన ‘అల వైకుంఠపురములో..’ సినిమా హిందీలో రీమేక్‌ కాబోతున్న సంగతి తెలిసిందే. త్రివిక్రమ్‌ దర్శకత్వం వహించిన ఈ సినిమాను అల్లు అరవింద్, యస్‌. రాధాకృష్ణ సంయుక్తంగా నిర్మించారు. హిందీ రీమేక్‌లో అల్లు అర్జున్‌ పాత్రను కార్తీక్‌ ఆర్యన్‌ చేయబోతున్నారు. ‘దేశీ బాయ్స్, డిష్యూం’ చిత్రాలను తెరకెక్కించిన రోహిత్‌ ధావన్‌ ఈ సినిమాను డైరెక్ట్‌ చేయనున్నారు. ఏక్తా కపూర్‌తో కలసి అల్లు అరవింద్ ఈ సినిమాను నిర్మించనున్నారని సమాచారం. వచ్చే ఏడాది ఫిబ్రవరిలో ఈ సినిమా సెట్స్‌ మీదకు వెళ్లనుంది.
