బాలీవుడ్‌ బ్యూటీ కత్రినా కైఫ్‌ తల్లి కాబోతుందా? పెళ్లి తర్వాత కూడా వరుస సినిమాలతో బిజీగా మారిన కత్రినా ప్రెగ్నెంట్‌ అంటూ బీటౌన్‌ మీడియా కోడై కూస్తుంది. ఇటీవలె ఓ ఎయిర్‌పోర్ట్‌లో కనిపించిన ఈ బ్యూటీ వదులుగా ఉన్న దుస్తులతో కాస్త బొద్దుగా కనిపించింది. దీంతో కత్రినా తల్లి కాబోతుందంటూ వార్తలు నెట్టింట చక్కర్లు కొడుతున్నాయి. దీనికి తోడు పదేపదే కత్రినా తన పొట్టభాగాన్ని కవర్‌ చేసుకుంటూ కనిపించడంతో ఆమె ప్రెగ్నెన్సీ వార్తలు క్షణాల్లో వైరల్‌గా మారాయి.
అయితే ఇప్పటివరకు ఆ వార్తలపై కత్రినా స్పందించలేదు. 2021 డిసెంబర్‌9న కత్రినా- విక్కీ కౌశల్‌ల వివాహం రాజస్థాన్‌లోని ఓ ప్యాలెస్‌లో అంగరంగ వైభవంగా జరిగిన సంగతి తెలిసిందే. రీసెంట్‌గా ఓ యాడ్‌ షూట్‌లో సందడి చేసిన వీరిద్దరు బాలీవుడ్‌ క్యూట్‌ కపుల్స్‌గా పేరు పొందారు. ప్రస్తుతం ఇద్దరూ తమ సినిమాలతో ఫుల్‌ బిజీగా ఉన్నారు. మరి నెట్టింట వైరల్‌ అవుతున్నట్లు కత్రినా నిజంగానే ప్రెగ్నెం‍టా అన్నది త్వరలోనే తెలియనుంది.
