CM YS Jagan Birthday: సీఎం వైఎస్‌ జగన్‌కు నాగార్జున, విశాల్‌ బర్త్‌డే విషెస్‌

21 Dec, 2022 10:13 IST|Sakshi

ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి పుట్టిన రోజు నేడు(డిసెంబర్‌ 21). ఈ సందర్భంగా పలువురు సీనీ ప్రముఖులు సోషల్‌ మీడియా వేదికగా ఆయనకు బర్త్‌డే విషెస్‌ తెలియజేస్తున్నారు. ‘వైఎస్‌ జగన్‌మోహన్‌రెడ్డి గారు ఎప్పుడు ఆయురారోగ్యాలతో, సంతోషంగా ఉండాలని కోరుకుంటున్నాను’అంటూ సీఎం జగన్‌కు టాలీవుడ్‌ స్టార్‌ హీరో నాగార్జున  జన్మదిన శుభాకాంక్షలు తెలియజేశారు.

కోలీవుడ్‌ హీరో విశాల్‌, టాలీవుడ్‌ నిర్మాత, నటుడు బండ్ల గణేష్‌ కూడా సీఎం జగన్‌కు బర్త్‌డే విషెస్‌ చెప్పారు. భగవంతుని ఆశిస్సులు వైఎస్‌ జగన్‌ గారికి ఉండాలని విశాల్‌, బండ్ల గణేశ్‌ ట్వీట్‌ చేశారు. 

సీఎం జగన్‌కు మోహన్‌ బాబు శుభాకాంక్షలు
ఏపీ సీఎం జగన్‌కు ప్రముఖ నటుడు మోహన్‌ బాబు జన్మదిన శుభాకాంక్షలు తెలిపారు. ‘షిర్డీ సాయి బాబా ఆశీర్వాదం తో జగన్ కు మంచి ఆరోగ్యాన్ని మరియు ఆనందాన్ని ఇవ్వాలని కోరుకుంటున్నాను’ అని మోహన్‌ బాబు ట్వీట్‌ చేశారు. 

మరిన్ని వార్తలు