‘ఆదిపురుష్‌’‌ కోసం తెలుగు నేర్చుకుంటున్న ‘సీత’!

26 Mar, 2021 00:56 IST|Sakshi
కృతీ సనన్‌

‘అందరికీ నమస్కారం..  బాగున్నారా! యాక్చువల్లీ ఐ డోంట్‌ నో తెలుగు. నెక్ట్స్‌ టైమ్‌ ఐ విల్‌ స్పీక్‌ ఇన్‌ తెలుగు..’ అంటూ తెలుగు చిత్రాల్లో నటించే పరభాషా తారలు అనడం పలు వేడుకల్లో విన్నాం. ‘1 నేనొక్కడినే’ సినిమాతో తెలుగుకి పరిచయం అయిన బాలీవుడ్‌ భామ కృతీ సనన్‌ కూడా అలానే అన్నారు. ఆ తర్వాత కూడా పెద్దగా తెలుగు నేర్చుకోలేదామె.

ఇప్పుడు నేర్చుకునే పని మీద ఉన్నారు. ఔం రౌత్‌ దర్శకత్వం వహిస్తున్న ‘ఆదిపురుష్‌’లో ప్రభాస్‌ సరసన కృతీ నటిస్తున్న విషయం తెలిసిందే. ఇందులో ప్రభాస్‌ది రాముడి పాత్ర. కృతీది సీత పాత్ర. ఈ సినిమా కోసం ప్రత్యేకంగా ట్యూటర్‌ని పెట్టి, కృతీకి తెలుగు నేర్పిస్తోందట చిత్రబృందం. సో.. ఈ సినిమా వేడుకలో ‘అందరికీ నమస్కారం. నాకు తెలుగు వచ్చేసింది’ అని కృతీ అంటారేమో చూడాలి. 

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు