Nenevaru Movie: లవ్ అండ్ సస్పెన్స్ థ్రిల్లర్‌గా వస్తున్న 'నేనెవరు' .. త్వరలో రిలీజ్ డేట్ ఫిక్స్
ప్రముఖ ఎడిటర్ స్వర్గీయ కోలా భాస్కర్ తనయుడు కోలా బాలకృష్ణ హీరోగా, సాక్షి చౌదరి హీరోయిన్ నటిస్తున్న చిత్రం 'నేనెవరు'. కౌశల్ క్రియేషన్స్ పతాకంపై భీమినేని శివప్రసాద్-తన్నీరు రాంబాబు నిర్మిస్తుండగా.. నిర్ణయ్ పల్నాటి దర్శకత్వం వహిస్తున్నారు. తనిష్క్ రాజన్, గీత్ షా, బాహుబలి ప్రభాకర్ విలన్‌గా నటిస్తున్నారు. రాధ గోపి తనయుడు ఆర్.జి.సారథి ఈ చిత్రం ద్వారా సంగీత దర్శకుడిగా పరిచయమవుతున్నారు.
(చదవండి: పంత్ కోసం కాదట .. ఆ వీడియోపై ఊర్వశి రౌతేలా..!)
సెన్సార్ సహా అన్ని కార్యక్రమాలు పూర్తి చేసుకున్న "నేనెవరు" అతి త్వరలో ప్రేక్షకుల ముందుకు వచ్చేందుకు సిద్ధమవుతోంది. లవ్ అండ్ సస్పెన్స్ థ్రిల్లర్ గా రూపొందిన ఈ చిత్రం ప్రేక్షకులకు సరికొత్త అనుభూతినిస్తుందని దర్శకుడు నిర్ణయ్ పల్నాటి తెలిపారు. చిత్రబృందానికి చాలా మంచి పేరు తెస్తుందని నిర్మాతలు భీమినేని శివప్రసాద్, తన్నీరు రాంబాబు పేర్కొన్నారు. ఈ చిత్రంలో రాజా రవీంద్ర, దిల్ రమేష్, డి.ఎస్.రావు, తాగుబోతు రమేష్, వేణు, సుదర్శన్ రెడ్డి, నీరజ ప్రధాన పాత్రలు పోషించారు.
