మూవీ ఆర్టిస్ట్స్ అసోసియేషన్(మా) ఎన్నికలకు రంగం సిద్ధమైంది. అక్టోబర్ 10న ఎన్నికలు నిర్వహించాలని గతంలో జరిగిన సమావేశంలో నిర్ణయించిన సంగతి తెలిసిందే. కాగా, తాజాగా ‘మా’ఎన్నికల నోటిఫికేషన్ విడుదలైంది. అక్టోబర్ 10న ఆదివారం ఉదయం 8 గంటల నుంచి మధ్యాహ్నం 2 గంటల వరకూ హైదరాబాద్ జూబ్లీహిల్స్ పబ్లిక్ స్కూల్లో పోలింగ్ నిర్వహించనున్నట్లు ఎన్నికల అధికారి వి. కృష్ణమోహన్ తెలిపారు. అదే రోజు ఎన్నికల ఫలితాలను వెల్లడించనున్నారు. ఎనిమిది మంది ఆఫీస్ బేరర్స్ 18 మంది ఎగ్జిక్యూటివ్ మెంబర్స్తో కూడిన కమిటీకి ఈ ఎన్నికలు జరగనున్నాయి.
ఇదీ ఎన్నికల షెడ్యూల్
నియమ నిబంధనలు:
ఈ సారి ‘మా’ అధ్యక్ష ఎన్నికల బరిలో ప్రకాశ్రాజ్, మంచు విష్ణు, సీవీఎల్ నర్సింహరావు ఉన్నారు. వీరిలో ప్రకాశ్రాజ్ ఇప్పటికే తన ప్యానెల్ సభ్యులను ప్రకటించారు. మంచు విష్ణు, సీవీఎల్ నర్సింహరావు తమ ప్యానల్ సభ్యులను ప్రకటించాల్సి ఉంది.