తెలుగు సినీ పరిశ్రమలో విషాదం చోటు చేసుకుంది. ప్రముఖ దర్శకుడు ఎన్ బీ చక్రవర్తి శుక్రవారం ఉదయం మరణించారు. ఈ మేరకు బీఏ రాజు ట్వీట్‌ చేశారు. గత కొంతకాలంగా అనారోగ్యంతో బాధపడుతున్న చక్రవర్తి ఈ రోజు ఉదయం కన్ను మూశారని రాజు ట్వీట్‌ చేశారు. చక్రవర్తి శోభన్ బాబుతో 1984లో 'సంపూర్ణ ప్రేమాయణం', 1985-86లో నందమూరి బాలకృష్ణ నటించిన 'కత్తుల కొండయ్య', 'నిప్పులాంటి మనిషి' చిత్రాలకు దర్శకత్వం వహించారు. అలానే 1986లో వచ్చిన ‘కాష్మోరా’ చిత్రానికి దర్శకత్వం వహించారు. ఈ చిత్రంలో రాజేంద్రప్రసాద్, భానుప్రియ, శరత్‌బాబు కీలక పాత్రల్లో నటించారు.
దర్శకుడు ఎన్ బి చక్రవర్తి నేడు ఉదయం అనారోగ్యం తో కన్నుమూశారు.
ఆయన శోభన్ బాబు గారితో 'సంపూర్ణ ప్రేమాయణం', నందమూరి బాలకృష్ణ తో 'కత్తుల కొండయ్య', 'నిప్పులాంటి మనిషి', రాజేంద్రప్రసాద్, రాజశేఖర్ లతో 'కాష్మోరా' చిత్రాలకు దర్శకత్వం వహించారు. pic.twitter.com/BHGnfcRkNa
— BARaju (@baraju_SuperHit) August 7, 2020
