కెరీర్‌లో హీరోయిన్‌గా మంచి ఫామ్‌లో ఉన్నారు మృణాళ్‌ ఠాకూర్‌. నార్త్‌ అండ్‌ సౌత్‌ అనే తేడాలను పక్కన పెడితే ఈ బ్యూటీ హీరోయిన్‌గా నటించిన ఐదు సినిమాలు రిలీజ్‌కు రెడీ అవుతున్నాయంటే ఆమె ఏ స్పీడ్‌తో దూసుకెళ్తున్నారో ఊహించవచ్చు.
ఇదే స్పీడ్‌ను కొనసాగించాలనుకుంటూ బాలీవుడ్‌ కొత్త సినిమాకు సై అన్నారట మృణాళ్‌. శ్రీదేవి టైటిల్‌ రోల్‌ చేసిన హిందీ హిట్‌ ఫిల్మ్‌ ‘మామ్‌’ తీసిన దర్శకుడు రవి ఉడయార్‌ ఇటీవల ఓ లవ్‌స్టోరీ స్క్రిప్ట్‌ను రెడీ చేసుకున్నారట. ఆయన ఈ కథను మృణాళ్‌కు వినిపించగా, ఆమె గ్రీన్‌ సిగ్నల్‌ ఇచ్చారని బాలీవుడ్‌ సమాచారం. సిద్ధార్థ్‌ చతుర్వేది హీరోగా నటించనున్న ఈ సినిమా రెగ్యులర్‌ షూటింగ్‌ వచ్చే ఏడాది ప్రాంరంభం కానుందని బీ టౌక్‌ టాక్‌.
