Mrunal Thakur: ‘సీతారామం’ ఫేమ్‌ మృణాల్‌ ఠాకూర్‌కి కాన్స్‌ నుంచి కబురొచ్చింది. ప్రతి ఏడాది ఫ్రాన్స్‌లో జరిగే కాన్స్‌ చిత్రోత్సవాలు ఈ నెల 16న ఆరంభమయ్యాయి. 27 వరకు కొనసాగుతాయి. ఈ చిత్రోత్సవాల్లో మృణాల్‌ రెడ్‌ కార్పెట్‌పై తొలిసారి మెరవనున్నారు.
ఈ విషయంపై మృణాల్‌ మాట్లాడుతూ – ‘‘అంతర్జాతీయ స్థాయి ఫిల్మ్‌మేకర్స్‌తో మాట్లాడటానికి ఈ వేదిక నాకు ఉపయోగపడుతుంది. భారతీయ చలన చిత్రపరిశ్రమ ఖ్యాతిని నేను అక్కడ ప్రస్తావించాలనుకుంటున్నాను’’ అన్నారు మృణాల్‌. ఈ నెల 17 నుంచి 19 తేదీల్లో మూడు రోజుల పాటు మృణాల్‌ కాన్స్‌ చిత్రోత్సవాల్లో సందడి చేస్తారట.
