ప్రభాస్‌తో సినిమా.. దాని కోసమే ఎక్కువ సమయం తీసుకుంటున్ననాగ్‌ అశ్విన్‌

25 Apr, 2021 06:20 IST|Sakshi

వెండితెర సూపర్‌ హీరోలు అంటే ఇప్పటివరకు హాలీవుడ్, బాలీవుడ్‌ యాక్టర్ల పేర్లు ప్రముఖంగా చెప్పుకున్నాం. కానీ ఇప్పుడు ఈ లిస్ట్‌లో ప్రభాస్‌ పేరు కూడా చేరనున్నట్లు తెలుస్తోంది. ‘మహానటి’ ఫేమ్‌ నాగ్‌ అశ్విన్‌ దర్శకత్వంలో ప్రభాస్‌ హీరోగా ఓ సినిమా రూపొందనున్న సంగతి తెలిసిందే. ఇందులో ప్రభాస్‌ సూపర్‌ హీరో పాత్ర చేయనున్నారనే టాక్‌ వినిపిస్తోంది. అందుకే ప్రీ ప్రొడక్షన్‌ వర్క్స్‌ కోసం నాగ్‌ అశ్విన్‌ చాలా సమయం తీసుకుంటున్నారని టాక్‌. ప్రస్తుతం ఈ సినిమాకు చెందిన భారీ సెట్‌ వర్క్స్‌ కూడా జరుగుతున్నాయని టాక్‌.

ఈ ఏడాది జూలైలో షూటింగ్‌ను ప్రారంభించాలనుకుంటున్నట్లు నాగ్‌ అశ్విన్‌ ఓ సందర్భంలో పేర్కొన్నారు. అయితే కోవిడ్‌ సెకండ్‌ వేవ్‌ నేపథ్యంలో ఈ సినిమా షూటింగ్‌ ప్రారంభం కావడానికి మరింత సమయం పట్టే అవకాశం ఉందని తెలుస్తోంది. దీపికా పదుకోన్‌ హీరోయిన్‌గా నటించనున్న ఈ చిత్రంలో అమితాబ్‌ బచ్చన్‌ ఓ కీలక పాత్ర  చేయనున్నారు. ప్రస్తుతం ప్రభాస్‌ ‘రాధేశ్యామ్‌’, ‘ఆదిపురుష్‌’, ‘సలార్‌’ చిత్రాలతో బిజీగా ఉన్న సంగతి తెలిసిందే.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు