Naga Chaitanya : నాగచైతన్య 'కస్టడీ' టీజర్‌ డేట్‌ ఫిక్స్‌.. 

14 Mar, 2023 11:18 IST|Sakshi

యంగ్‌ హీరో నాగచైతన్య నటిస్తున్న తాజా చిత్రం కస్టడీ. తమిళ్ డైరెక్టర్ వెంకట్ ప్రభు ఈ చిత్రానికి దర్శకత్వం వహిస్తున్నారు. క్రైమ్ ఇన్వెస్టిగేషన్ డ్రామాగా తెరకెక్కుతున్న ఈ సినిమాలో చై పోలీస్‌ ఆఫీసర్‌గా కనిపించనున్నారు. అతనికి జోడీగా కృతిశెట్టి హీరోయిన్‌గా నటిస్తుంది. బంగార్రాజు తర్వాత వీరిద్దరు జంటగా నటిస్తున్న చిత్రమిది.

తెలుగు, తమిళ భాషల్లో తెరకెక్కుతున్న ఈ సినిమాపై ఇప్పటికే భారీ అంచనాలు నెలకొన్నాయి. తాజాగా చిత్రంపై మరింత క్యూరియాసిటీని పెంచుతూ మరో క్రేజీ అప్‌డేట్‌ను వదిలారు. ఈ సినిమాకు సంబంధించిన టీజర్‌ను ఈనెల  సాయంత్రం 4.51 గంటలకు రిలీజ్ చేయనున్నట్లు మేకర్స్‌ తెలిపారు.

ఈ మేరకు ఓ వీడియోను వదిలారు. కాగా  సినిమా మే 12న థియేటర్లలో గ్రాండ్‌గా విడుదల కానుంది. రాధికా శరత్ కుమార్, ప్రియమణి, వెన్నెల కిశోర్‌ ఇందులో కీలక పాత్రల్లో కనిపించనున్నారు. 

మరిన్ని వార్తలు