Naga Chaitanya: నాగచైతన్య, కృతి శెట్టి జోడిగా కొత్త చిత్రం .. షూటింగ్ ఎప్పుడంటే..!

20 Sep, 2022 21:45 IST|Sakshi

అక్కినేని నాగచైతన్య, కృతి శెట్టి జంటగా తదుపరి చిత్రం అప్‌డేట్ వచ్చేసింది.  నాగచైతన్య తన 22వ సినిమాను దర్శకుడు వెంకట్‌ ప్రభుతో చేయనున్నారు. ఈ సినిమాను రెండు భాషల్లో తెరకెక్కిస్తున్నట్లు చిత్రబృందం ప్రకటించింది. శ్రీనివాస సిల్వర్‌ స్క్రీన్‌పై శ్రీనివాస చిట్టూరి ఈ మూవీని నిర్మించనున్నారు. ఈ సినిమాకు సంబంధించిన పోస్టర్‌ను చిత్రబృందం తాజాగా విడుదల చేసింది. ఈ చిత్రానికి తాత్కాలికంగా 'NC22' అనే పేరు పెట్టినట్లు తెలుస్తోంది. ఈ సినిమా షూటింగ్‌ సెప్టెంబర్ 21న హైదరాబాద్‌లోని రామోజీ ఫిల్మ్‌సిటీలో ప్రారంభం కానుంది.

ఈ విషయాన్ని నాగచైతన్య ట్విటర్‌ వేదికగా ప్రకటించారు. నాగచైతన్య కనిపిస్తున్న ఓ ఫొటోను షేర్‌ చేస్తూ ‘షూటింగ్‌ రేపటి నుంచి మొదలుకానుంది’ అంటూ చిత్రబృందాన్ని ట్యాగ్‌ చేశారు. తెలుగు, తమిళ భాషల్లో విడుదలవ్వనున్న ఈ చిత్రానికి ఇళయరాజా, యువన్‌ శంకర్‌రాజా సంగీతం అందిస్తున్నారు. మేకర్స్ నాగ చైతన్య అద్భుతమైన పోస్టర్‌ను కూడా ఆవిష్కరించారు.  ఈ పోస్టర్‌లో నాగచైతన్య లుక్ రివీల్ చేయలేదు చిత్రబృందం. దీంతో అభిమానుల్లో ఆసక్తిని మరింత పెంచుతోంది.  ఆమిర్‌ఖాన్‌తో కలిసి అక్కినేని నాగచైతన్య నటించిన ‘లాల్‌ సింగ్‌ చడ్డా’ ప్రేక్షకులను ఆశించిన స్థాయిలో అలరించలేకపోయింది.

మరిన్ని వార్తలు