నాగార్జున నటిస్తున్న తాజా చిత్రం ‘వైల్డ్‌ డాగ్‌’. అహిషోర్‌ సోల్మన్‌ దర్శకత్వంలో ఈ సినిమాను నిరంజన్‌ రెడ్డి, అన్వేష్‌ రెడ్డి నిర్మిస్తున్నారు. దియా మిర్జా, సయామీ ఖేర్‌ హీరోయిన్లుగా నటిస్తున్నారు. ఈ సినిమాలో ఎన్‌ఐఏ ఆఫీసర్‌ విజయ్‌ వర్మ పాత్రలో నాగార్జున నటిస్తున్నారు. ఈ సినిమా చిత్రీకరణ ఇటీవలే మనాలీలో ప్రారంభం అయింది. 20 రోజుల పాటు మనాలీ షెడ్యూల్‌ జరగనుందని సమాచారం.
ఈ షెడ్యూల్‌లో పలు యాక్షన్‌ సన్నివేశాలను చిత్రీకరించనున్నారు. ఈ షూటింగ్‌లో పాల్గొంటూ ‘బిగ్‌బాస్‌’ చిత్రీకరణ కోసం వారాంతరాల్లో హైదరాబాద్‌ వస్తారట నాగార్జున. ఈ సినిమా చిత్రీకరణ ఈ ఏడాది చివరి లోపల పూర్తికానుంది.
