‘బిగ్ బాస్’ ఫేమ్‌ అమిత్ తివారి, యాంకర్ భానుశ్రీ ప్రధానపాత్రల్లో నటించిన చిత్రం 'నల్లమల'. ఈ మూవీకి రవి చరణ్ దర్శకత్వం వహిస్తున్నాడు. తాజాగా ఈ సినిమా టీజర్‌ని దర్శకుడు దేవ కట్టా విడుదల చేశాడు.
'నల్లమల' అటవీ ప్రాంతంలో స్వచ్ఛమైన ప్రేమకథగా.. భావోద్వేగాలతో ఈ సినిమా తెరకెక్కుతున్నట్లు టీజర్‌ను చూస్తే తెలుస్తోంది. అయితే ఇప్పటికే ఈ మూవీ నుంచి సిద్‌ శ్రీరామ్‌ పాడిన ‘ఏమున్నవే పిల్ల.. ఏమున్నవే..’ సాంగ్‌ రిలీజై మంచి ఆదరణ పొందిన విషయం తెలిసిందే. కాగా తెలుగులో ఎన్నో మంచి చిత్రాల్లో నెగెటివ్‌ పాత్రలు పోషించిన అమిత్ హీరోగా ఎటువంటి రెస్పాన్స్‌ అందుకుంటాడో చూడాలి.
