ఎలాంటి సినీ నేపథ్యం లేకుండా స్టార్‌గా ఎదిగిన హీరోలలో నాని ఒకరు. అసిస్టెంట్ డైరెక్టర్‌గా చిత్ర పరిశ్రమలో అడుగుపెట్టి.. స్టార్ హీరోగా ఎదిగాడు. నేడు(ఫిబ్రవరి 24) నాని పుట్టినరోజు. ఈ సందర్భంగా నాని అభిమానులు ఆయన బర్త్‌డేను ఘనంగా సెలబ్రేట్‌ చేసుకుంటున్నారు. పలువురు సినీ ప్రముఖులు సోషల్‌ మీడియా వేదికగా విషెస్‌ చెస్తున్నారు. ఈ క్రమంలో నాని ట్విటర్‌లో ఎమోషనలయ్యాడు.
'1984 ఫిబ్రవరి 24 శుక్రవారం నేను రిలీజయ్యాను(జన్మించాను). గత పదిహేనేళ్లలో ఎన్నోసార్లు పుడుతూనే ఉన్నాను. ఈసారి వచ్చిన శుక్రవారం బర్త్‌డేలాగే మీ ప్రేమానురాగాలతో మరిన్ని పుట్టినరోజులు జరుపుకోవాలనుకుంటున్నాను' అని రాసుకొచ్చాడు. సినిమా అంటే నానికి ఎంత ప్రేమో ఈ ఒక్క ట్వీట్‌తో అర్థమవుతోంది. ఈ ట్వీట్‌ ప్రస్తుతం వైరల్‌గా మారింది. ఇకపోతే తన కెరీర్‌లో ఎక్కువగా క్లాస్‌ సినిమాలే చేసిన ఈ హీరో ఈసారి మాత్రం దసరాతో ఫుల్‌ మాస్‌ క్యారెక్టర్‌తో ముందుకు రాబోతున్నాడు. ఈ చిత్రం వచ్చే నెల 30న విడుదల కానుంది.
I was a Friday release on 24th feb, 1984
Last 15 years I was born again and again on so many Friday’s :)
This Friday all I have is gratitude for all your love and I look forward to celebrating many more together ♥️
— Nani (@NameisNani) February 24, 2023
