Needa Trailer: ఓటీటీలో మలయాళ సినిమాలు విజయాలు సాధిస్తూ రికార్డు సృష్టిస్తున్న విషయం తెలిసిందే. నయనతార ప్రధాన పాత్రలో నటించిన నిళల్‌ మూవీ ఈ మధ్యే అమెజాన్‌ ప్రైమ్‌లో ప్రసారమైంది. తాజాగా ఈ సినిమాను తెలుగులోకి డబ్‌ చేసి అందుబాటులోకి తీసుకొచ్చింది 'ఆహా'. ఈ క్రమంలో చిత్ర ట్రైలర్‌ను రిలీజ్‌ చేశారు. ఇందులో ఓ పిల్లవాడు చెప్పే మర్డర్‌ స్టోరీలు నిజమవుతాయి.
చూడడానికి మామూలుగా ఉండే ఆ కుర్రాడు కథలో చెప్పే ప్రాంతాలకు వెళితే, నిజంగానే అక్కడ అస్థిపంజరం బయటపడుతుంది. పిల్లాడు చెబుతున్న కథలు ఒక్కొక్కటీ వాస్తవమని తేలడంతో మిస్టరీ పెరుగుతుంది. దాన్ని ఛేదించడానికి హీరో, ఆ పిల్లాడి తల్లి షర్మిల(నయనతార) ఏం చేశారు? షర్మిల ఫ్లాష్‌బ్యాక్‌ ఏంటి అనేది తెలియాలంటే సినిమా చూడాల్సిందే. ఈ సినిమా జూలై 23 నుంచి ఆహాలో స్ట్రీమింగ్‌ కానుంది.
ఇవి కూడా చదవండి
