Nayanthara: ఓటీటీలో నయనతార నెట్రిక్కన్‌!

22 Jul, 2021 08:13 IST|Sakshi

Nayanthara Netrikann: నయనతార నటించిన తాజా ఉమెన్‌ సెంట్రిక్‌ ఫిల్మ్‌ ‘నెట్రిక్కన్‌’ (మూడో కన్ను) ఓటీటీ ప్లాట్‌ఫామ్‌లో విడుదల కానుంది. డిస్నీ హాట్‌స్టార్‌లో ఈ సినిమా ఎప్పటి నుంచి స్ట్రీమింగ్‌ అవనుందనే విషయాన్ని త్వరలో వెల్లడించనున్నారు. ఈ చిత్రానికి మిలింద్‌ రావ్‌ దర్శకత్వం వహించారు. ఈ సినిమాలో రోడ్డు ప్రమాదంలో చూపు కోల్పోయే యువతి పాత్రలో నయనతార కనిపిస్తారు. కొరియన్‌ థ్రిల్లర్‌ ‘బ్లైండ్‌’ చిత్రానికి ‘నెట్రిక్కన్‌’ రీమేక్‌ అనే టాక్‌ వినిపిస్తోంది.

ఈ సంగతి ఇలా ఉంచితే.. బాలీవుడ్‌ స్టార్‌ హీరో షారుక్‌ ఖాన్, దర్శకుడు అట్లీ కాంబినేషన్‌లో ఓ సినిమా రూపొందనున్న సంగతి తెలిసిందే. ఈ చిత్రంలో నయనతార హీరోయిన్‌గా నటిస్తారనే టాక్‌ ఎప్పట్నుంచో వినిపిస్తోంది. ఇందులో హీరోయిన్‌గా నయనతార ఫిక్సైపోయారని బాలీవుడ్‌ తాజా టాక్‌.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు