నయనతారకు నచ్చుతే చాలు గ్రీన్‌ సిగ్నల్‌ ఇచ్చేస్తుంది

7 Jul, 2023 03:59 IST|Sakshi

కథ నచ్చితే కొత్త దర్శకులకు గ్రీన్‌ సిగ్నల్‌ ఇచ్చేస్తుంటారు హీరోయిన్‌ నయనతార. కోలీవుడ్‌ దర్శకుడు అశ్విన్‌ శరవణన్‌ వంటి వారికి తొలి అవకాశం ఇచ్చింది నయనతారనే. కాగా ఈ బ్యూటీ ఎక్కువగా ఉమెన్‌ సెంట్రిక్‌ ఫిల్మ్స్‌ చేస్తున్న విషయం తెలిసిందే. కథ బాగా నచ్చడంతో తాజాగా మరో లేడీ ఓరియంటెడ్‌ మూవీకి గ్రీన్‌ సిగ్నల్‌ ఇచ్చారు. ఈ సినిమాతో విక్కీ డ్యూడ్‌ అనే ఓ యూ ట్యూబర్‌ దర్శకుడిగా పరిచయం కానున్నారని టాక్‌. ఈ సినిమా షూటింగ్‌ను ఈ నెలలో ఆరంభించనున్నారట. ఈ చిత్రం కాకుండా మరో నాలుగు చిత్రాలతో నయనతార ఫుల్‌ బిజీగా ఉన్నారు. వీటిలో షారుక్‌ ఖాన్‌ సరసన నటిస్తున్న హిందీ చిత్రం ‘జవాన్‌’ ఒకటి.

మరిన్ని వార్తలు