'బాహుబలి'లో నయనతార.. శివగామిగా ఆ హీరోయిన్‌

17 Jul, 2021 00:10 IST|Sakshi
నయనతార

ఇటు సినిమాలు అటు వెబ్‌ సిరీస్‌లను మ్యానేజ్‌ చేస్తూ కెరీర్‌లో మరో లెవల్‌కు వెళ్తున్న హీరోయిన్లు సమంత, కాజల్‌ అగర్వాల్, తమన్నా, శ్రుతీహాసన్, రాశీ ఖన్నాల జాబితాలో హీరోయిన్‌ నయనతార కూడా చేరారు. ఓ ప్రముఖ ఓటీటీ సంస్థ నిర్మించనున్న ‘బాహుబలి: బిఫోర్‌ ది బిగినింగ్‌’ వెబ్‌ సిరీస్‌లో కీలక పాత్ర చేసేందుకు నయనతార పచ్చ జెండా ఊపారని తెలిసింది. ఆమెకు ఇదే తొలి ఓటీటీ ప్రాజెక్ట్‌. సో.. డిజిటల్‌ ఎంటర్‌టైన్‌మెంట్‌లో నయనతార తొలి అడుగు వేస్తున్నారన్న మాట.

రెండు సీజన్స్‌గా రాబోతున్న ‘బాహుబలి: బిఫోర్‌ ది బిగినింగ్‌’ షూటింగ్‌ ఈ ఏడాది సెప్టెంబరులో ఆరంభం కానుంది. ‘బాహుబలి’లో రమ్యకృష్ణ చేసిన శివగామి పాత్ర ఎంత పవర్‌ఫుల్‌గా ఉంటుందో తెలిసిందే. ఈ పాత్ర పూర్వాపరాల మీద వెబ్‌ సిరీస్‌ ఉంటుందని టాక్‌. 2015లో వచ్చిన ‘భలే మంచి రోజు’ చిత్రంలో హీరోయిన్‌గా నటించిన పంజాబీ నటి వామికా గబ్చి ఈ శివగామి పాత్ర చేయనున్నారని సమాచారం. అదే నిజమైతే నయనతార పాత్ర ఏంటనేది తెలియాల్సి ఉంది. ఇక నయనతార నటించిన తాజా చిత్రాలు ‘అన్నాత్తే’, ‘కాత్తు వాక్కుల రెండు కాదల్‌’, ‘నెట్రిక్కన్‌’ రిలీజ్‌కి రెడీ అవుతున్నాయి.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు