Adipurush: ‘ఆదిపురుష్‌’నుంచి స్పెషల్‌ వీడియో.. ప్రభాస్‌ ఫ్యాన్స్‌ ఫైర్‌

10 Apr, 2022 13:02 IST|Sakshi

ప్రభాస్‌ నటిస్తున్న పాన్‌ ఇండియా చిత్రాల్లో ‘ఆదిపురుష్‌’ ఒకటి. ఓంరౌత్‌ దర్శకత్వం వహిస్తున్న ఈ చిత్రంలో రాముడిగా ప్రభాస్, సీతగా కృతీ సనన్, రావణుడిగా సైఫ్‌ అలీఖాన్ నటిస్తున్నారు. ఇప్పటికే షూటింగ్‌ పూర్తి చేసుకున్న ఈ చిత్రం వచ్చే ఏడాది జనవరి 12న ప్రేక్షకుల ముందుకు రానుంది. ప్రస్తుతం పోస్ట్‌ ప్రొడక్షన్‌ పనులతో పాటు పలు టెక్నికల్‌ వర్క్స్‌తో మూవీ టీం ఫుల్‌ బిజీగా ఉంది.  

ఇదిలా ఉంటే శ్రీరామనవమి సంద​ర్భంగా స్పెషల్‌ వీడియోతో ప్రభాస్‌ ఫ్యాన్స్‌ని సర్‌ప్రైజ్‌ చేశాడు దర్శకుడు ఓంరౌత్‌. అందులో ప్రభాస్‌ ఫ్యాన్స్‌ అతన్ని రాముడిగా ఊహిస్తూ రెడీ చేసిన ఫ్యాన్‌ మేడ్‌ పోస్టర్స్‌ ఉన్నాయి. వాటన్నింటిని కలిసి ఓ వీడియో రూపంలో ఓరౌంత్‌ ట్వీట్‌ చేశాడు. ఇందులో ఆదిపురుష్‌ విడుదల తేదిని కూడా ప్రకటించాడు. అయితే ఈ వీడియో పట్ల ప్రభాస్‌ ఫ్యాన్స్‌ చాలా అసంతృప్తి వ్యక్తం చేస్తున్నారు.

శ్రీరామనవమి కానుకగా ఫస్ట్‌లుక్‌ వస్తుందనుకుంటే.. ఈ వీడియో షేర్‌ చేస్తారా అని ఫైర్‌ అవుతున్నారు. పండగ సందర్భంగా ఫస్ట్‌లుక్‌ విడుదల చేస్తే.. ఎక్కువ రీచ్‌ అయ్యేది కదా అని ఓ నెటిజన్‌ కామెంట్‌ పెట్టారు. ఇప్పటికే ఫస్ట్‌లుక్‌ రిలీజ్‌ చేయండి అని రిక్వెస్ట్‌ పెడుతున్నారు. ఇటీవల రాధేశ్యామ్‌తో ప్రేక్షలను పలకరించిన ప్రభాస్‌.. ప్రస్తుతం సలార్‌, స్పిరిట్‌ సినిమాల షూటింగ్‌లో బిజీగా ఉన్నాడు. 

మరిన్ని వార్తలు