PSPK27 షూటింగ్‌ సెట్‌లో‌ పవన్.. ఫొటోలు లీక్‌

26 Feb, 2021 16:05 IST|Sakshi

డైరెక్టర్‌ క్రిష్‌ జాగర్లమూడి దర్శకత్వంలో పవర్‌స్టార్‌ పవన్‌ కల్యాణ్‌ హీరోగా ఓ మూవీ తెరకెక్కుతున్న సంగతి తెలిసిందే. ఇటీవల ఫిబ్రవరి 22న తిరిగి సెట్స్‌పైకి వచ్చిన ఈ సినిమా పీఎస్‌పీకే 27 అనే వర్కింగ్‌ టైటిల్‌తో రూపొందుతోంది. ఈ మూవీ క్రిష్‌ 17వ శతాబ్దపు కాలం నాటి పిరియాడికల్‌ డ్రామాగా ఈ మూవీ తెరకెక్కిస్తు‍న్నారు. దీని కోసం అప్పటి కాల పరిస్థితులకు సరిపోయేలా హైదరాబాద్‌లో సెట్స్‌‌ వేసి పవన్‌పై భారీ యాక్షన్‌ సన్నివేశాలను చిత్రీకరిస్తున్నారు. ఇక ఈ విషయం తెలిసి ఆయన అభిమానులంతా  #pspk27 అనే హ్యాష్‌ ట్యాగ్‌ను సోషల్‌ మీడియాలో ట్రెండ్‌ చేస్తున్నారు. ఇదిలా ఉండగా ఆయన అభిమానులకు మరో సర్‌ప్రైజ్‌ అందింది.  ఈ మూవీ షూటింగ్‌ సట్స్‌లోని పవన్‌ కల్యాణ్‌కు సంబంధించిన ఓ ఫొటో లీకైంది. ప్రస్తుతం ఈ ఫొటో నెట్టింట చక్కర్లు కొడుతోంది. ఇందులో పవన్‌ వారియర్‌ దుస్తుల్లో కొత్తగా దర్శనమిచ్చాడు.

ఇక పవన్‌ను పోరాట యోధుడి దుస్తుల్లో చూసి అభిమానులంతా మురిసిపోతున్నారు. కాగా ఎమ్‌ఎమ్‌ రత్నం నిర్మిస్తున్న ఈసినిమాకు ఎమ్‌ఎమ్‌ కీరవాణి సింగీతం అందిస్తున్నారు. ఈ మూవీకి ‘హరిహర వీరమల్లు’ అనే టైటిల్‌ పరీశీలిస్తున్నట్లు తెలుస్తోంది. అయితే లాక్‌డౌన్‌ ముందు గతేడాది మార్చిలో 15 రోజుల పాటు ఈ మూవీ షూటింగ్‌ను నిర్వహించారు. సెప్టెంబర్‌ 2న పవన్‌ బర్త్‌డే సందర్భంగా మూవీ పోస్టర్‌ను విడుదల చేశారు. ఈ చిత్రంలో పవన్‌ సరసన నిధి అగర్వాల్‌, బాలీవుడ్‌ బ్యూటీ జాక్వలైన్‌ ఫెర్నాండెజ్‌లు కథానాయికలు కాగా.. బాలీవుడ్‌ స్టార్‌ అర్జున్‌ రాంపాల్‌ మొఘల్‌ చక్రవర్తి జౌరంగజేబు పాత్రలో నటిస్తున్నాడు. అంతేగాక పవన్‌ ఈ సినిమాతో పాటు సాగర్‌ చంద్ర దర్శకత్వంలో రూపొందుతున్న మరో సినిమా షూటింగ్‌లో కూడా పాల్గొంటున్నాడు.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు