ఆచార్య: రామ్‌ చరణ్‌కు జోడీ కుదిరింది

25 Jan, 2021 17:52 IST|Sakshi

'సైరా నరసింహారెడ్డి' తర్వాత మెగాస్టార్‌ చిరంజీవి నటిస్తున్న తాజా చిత్రం "ఆచార్య". కొరటాల శివ దర్శకత్వంలో చిరు హీరోగా నటిస్తున్న ఈ సినిమాలో చందమామ కాజల్‌ హీరోయిన్‌గా నటిస్తోంది. ప్రస్తుతం హైదరాబాద్‌లో షూటింగ్‌  జరుపుకొంటున్న ఈ సినిమాలో రామ్‌ చరణ్‌ కీలకపాత్రలో నటిస్తున్నాడు. ఆచార్య సెట్స్‌లోకి చరణ్‌  ఇటీవలే అడుగు కూడా పెట్టేశాడు. ఈ మేరకు డైరెక్టర్‌ కొరటాల శివ.. ఆచార్య సెట్స్‌లోకి స్వాగతం రామ్‌చరణ్‌ అంటూ ట్వీట్‌ చేశారు. మా సిద్ధ సర్వం సిద్ధం అంటూ ఆయన పాత్ర పేరును కూడా వెల్లడించారు. భారీ హంగులతో తెరకెక్కుతున్న ఈ చిత్రం మెగా అభిమానులతోపాటు ప్రేక్షకుల్లోనూ అంతకంతకూ ఆసక్తిని పెంచుతోంది. ఈ సినిమా ఎప్పుడెప్పుడు రిలీజ్ అవుతుందా? అని మెగా ఫ్యాన్స్ ఎంతగానో ఎదురు చూస్తున్నారు. చదవండి: ఆర్‌ఆర్‌ఆర్‌ రిలీజ్‌ డేట్‌ వచ్చేసింది

అయితే తాజా సమాచారం ప్రకారం రామ్ చరణ్ సరసన పూజా హెగ్డే నటించబోతోందని తెలుస్తోంది. మొదట రష్మిక మందన్నను అనుకున్నప్పటికీ తనకు డేట్స్ కుదరకపోవడంతో పూజాను సంప్రదించారట.. దీనికి వెంటనే  ఒప్పుకున్న బుట్టబొమ్మ ఈ ప్రాజెక్టుపై సంతకం కూడా చేసిందట. ఇక నెక్స్ట్‌ షెడ్యూల్‌లో పూజా సెట్స్‌లోకి అడుగు పెట్టనుంది. చరణ్-పూజా హెగ్డే షూట్ ఫిబ్రవరి నాటికి పూర్తవుతుందని సమాచారం. ఈ సినిమాలో రామ్ చరణ్ పూజా హెగ్డేపై ఓ సాంగ్ కూడా ఉంటుందని తెలుస్తోంది. ఇదిలా ఉండగా ఈ మూవీ చిత్రీకరణ త్వరగా పూర్తిచేసి సమ్మర్ బరిలో నిలపాలని చూస్తోంది యూనిట్. అంతేగాక ఈ చిత్రం టీజర్ గణతంత్ర దినోత్సవ శుభాకాంక్షలతో జనవరి 26వ తేదీన రిలీజ్ చేస్తారనే ప్రచారం సాగుతోంది. చదవండి: ఆ హీరోయిన్‌ కావాలంటున్న త్రివిక్రమ్‌!

మీ అభిప్రాయాలను కింద తెలపండి

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
Load Comments
Hide Comments

మరిన్ని వార్తలు