NBK 108: బాలయ్యకు హీరోయిన్‌గా అనంతపురం అమ్మాయి.. అమ్మడి అదృష్టం మారుతుందా?
హీరోయిన్‌ ప్రియాంక జవాల్కర్‌ గురించి ప్రత్యేకంగా పరిచయం చేయాల్సిన పనిలేదు. టాక్సీవాలా, తిమ్మరసు,‘ఎస్‌.ఆర్‌.కల్యాణమండపం’ వంటి సినిమాలతో ఆకట్టుకున్నా భారీ హిట్‌ను మాత్రం ఖాతాలో వేసుకోలేకపోయింది. అనంతపురానికి చెందిన ప్రియాంక తెలుగుమ్మాయి అయినప్పటికీ టాలీవుడ్‌లో వరుస అ‍వకాశాలను దక్కించుకుంటుంది. తాజాగా ఆ భామ మరో క్రేజీ ఛాన్స్‌ను దక్కించుకున్నట్లు తెలుస్తుంది. బాలకృష్ణ హీరోగా అనిల్‌ రావిపూడి దర్శకత్వంలో ఓ సినిమా తెరకెక్కుతున్న సంగతి తెలిసిందే.
సాహు గారపాటి, హరీష్‌ పెద్ది సంయుక్తంగా ఈ చిత్రాన్ని నిర్మిస్తున్నారు. ఇందులో బాలయ్యకు జోడీగా ప్రియాంక జవాల్కర్‌ నటించనున్నట్లు తెలుస్తుంది. ఇప్పటివరకు యంగ్‌ హీరోల పక్కనే నటించిన ప్రియాంకకు ‘NBK 108’ సినిమా కెరీర్ టర్నింగ్ పాయింట్ అవుతుందని అభిప్రాయం వ్యక్తం చేస్తున్నారు. త్వరలోనే ఈ చిత్రం షూటింగ్‌ ప్రారంభం కానుంది.
