మరోసారి నాగ్- పూరీ కాంబో.. డిఫరెంట్ స్టోరీ రెడీ!

17 Jan, 2021 20:27 IST|Sakshi

కింగ్‌ నాగార్జున, డేరింగ్‌ అండ్‌ డాషింగ్‌ డైరెక్టర్‌ పూరీ జగన్నాథ్‌ కాంబినేషన్‌లో వచ్చిన ‘శివమణి’, ‘సూపర్‌’ చిత్రాలు మంచి విజయాలు సాధించాయి. సూపర్‌ సినిమా కాస్త యావరేజ్‌గా నిలిచినా.. శివమణి మాత్రం సూపర్‌ హిట్‌గా నిలిచింది. ఆ తర్వాత వీరిద్దరి కాంబినేషన్‌లో సినిమా రాలేదు. దాదాపు పదిహేనేళ్ల తర్వాత మళ్లీ ఈ క్రేజీ కాంబినేష‌న్ మ‌రోసారి సిల్వ‌ర్ స్క్రీన్ పై మెరిసే అవ‌కాశాలు క‌న్పిస్తున్నాయి. పూరి దర్శకత్వంలో నాగ్‌ ఓ సినిమా చేయనున్నట్లు వార్తలు వినిపిస్తున్నాయి.

లాక్‌డౌన్‌ సమయంలో నాగార్జున కోసం పూరీ ఓ ఇంట్రస్టింగ్ స్క్రిప్ట్ రాసాడట. సరికొత్త గెటప్‌లో నాగార్జునను చూపించబోతున్నాడట. ఫాంట‌సీ స్టోరీ బ్యాక్ డ్రాప్ ఈ సినిమా సాగుతుంద‌ని ప్రచారం జరుగుతుంది.  త్వరలోనే ‌ఇందుకు సంబంధించిన అధికారిక ప్రకటన రానుందని టాలీవుడ్ టాక్. గత  చిత్రాల మాదిరే ఈ సారి కూడా వీరిద్దరి కాంబినేషన్‌ విజయం సాధిస్తుందో లేదో చూడాలి మరి. ప్రస్తుతం పూరీ విజయ్‌ దేవరకొండతో ఓ మూవీ తీస్తున్నాడు. ‘ఫైటర్’ అనే వర్కింగ్ టైటిల్ తో తెరకెక్కుతున్న సినిమాలో అనన్యపండే హీరోయిన్ గా నటిస్తుంది. పాన్ ఇండియా మూవీగా ఈ సినిమాను తెరకెక్కిస్తున్నాడు. మరి విజయ్ సినిమా తర్వాత పూరి ఈ ప్రాజెక్ట్ ను అనౌన్స్ చేసాడేమో చూడాలి.

మీ అభిప్రాయాలను కింద తెలపండి

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
Load Comments
Hide Comments

మరిన్ని వార్తలు