రజనీకాంత్, నయనతార ప్రేమ పాట పాడుకుంటున్నారు. ఈ లవ్‌ జర్నీ ‘అన్నాత్తే’ సినిమా కోసమే. శివ దర్శకత్వంలో రజనీకాంత్ హీరోగా వస్తున్న చిత్రం ‘అన్నాత్తే’. ఈ చిత్రంలో మీనా, ఖుష్బూ, నయనతార, కీర్తీ సురేష్‌ ప్రధాన పాత్రలు పోషిస్తున్నారు. ప్రస్తుతం ఈ చిత్రం షూటింగ్‌ చెన్నైలో జరుగుతోంది. ఓ భారీ సెట్‌లో రజనీ, నయనతారపై డ్యూయట్‌ చిత్రీకరిస్తున్నారని సమాచారం. ఈ పాట తర్వాత రజనీ, విలన్లపై ఓ యాక్షన్‌ సీక్వెన్స్‌ను చిత్రీకరించనున్నారట. ‘అన్నాత్తే’ సినిమా ఈ ఏడాది నవంబరు 4న విడుదల కానుంది.
