ఆచార్య: చెర్రీ 'సిద్ధ'మయ్యాడుగా..

17 Jan, 2021 10:46 IST|Sakshi

మెగాస్టార్‌ చిరంజీవి ప్రధాన పాత్రలో, ఆయన తనయుడు మెగాపవర్‌ స్టార్‌ రామ్‌చరణ్‌ కీలక పాత్రలో నటిస్తున్న చిత్రం ఆచార్య. ఈ సినిమా షూటింగ్‌ ప్రస్తుతం హైదరాబాద్‌లో జరుగుతోంది. తాజాగా ఈ సెట్స్‌లో రామ్‌చరణ్‌ అడుగు పెట్టారట. ఎప్పటిలాగే షూటింగ్‌ చూడటానికి వచ్చారనుకోకండి.. తనకిచ్చిన పాత్రలో జీవించేయడానికి వచ్చారట. ఈ మేరకు డైరెక్టర్‌ కొరటాల శివ.. ఆచార్య సెట్స్‌లోకి స్వాగతం రామ్‌చరణ్‌ అంటూ ట్వీట్‌ చేశారు. మా సిద్ధ సర్వం సిద్ధం అంటూ ఆయన పాత్ర పేరును కూడా వెల్లడించారు. దీంతో మొత్తానికి రామ్‌చరణ్‌ మీద షూటింగ్‌ ప్రారంభమైనట్లు క్లారిటీ వచ్చేసింది. (చదవండి: ‘ఆచార్య’ టెంపుల్‌ సెట్‌పై చిరు ఆసక్తికర ట్విట్‌)

అలాగే ముందుగా అనుకున్నట్లుగా కాకుండా సినిమాలో ఆయన నిడివిని కూడా పెంచినట్లు సమాచారం. కాగా కొరటాల శివ దర్శకత్వంలో రూపుదిద్దుకుంటున్న ఈ సినిమాను తేజ మ్యాట్నీ ఎంటర్‌టైన్‌మెంట్స్‌ బ్యానర్‌పై నిరంజన్‌ రెడ్డి, రామ్‌చరణ్‌ సంయుక్తంగా నిర్మిస్తున్నారు. కాజల్‌ అగర్వాల్‌ కథానాయిక. రిలీజ్‌ డేట్‌ విషయానికి వస్తే.. జగదేక వీరుడు అతిలోక సుందరి మే 9న థియేటర్లలోకి వచ్చి, బ్లాక్‌బస్టర్‌ హిట్‌గా నిలిచింది. కాబట్టి ఆ సెంటిమెంట్‌ను నమ్ముకుని ఈ సినిమాను కూడా ఆ లక్కీడేట్‌ నాడే రిలీజ్‌ చేయాలన్న ఆలోచనలో ఉందట చిత్రబృందం. (చదవండి: మెగా ఫ్యామిలీ సంక్రాంతి వేడుకల్లో నాగ్‌ సందడి)

మీ అభిప్రాయాలను కింద తెలపండి

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
Load Comments
Hide Comments

మరిన్ని వార్తలు