Ramarao On Duty Scenes Leak: రవితేజకు ఊహించని షాక్‌.. ‘రామారావు ఆన్‌ డ్యూటీ’ సీన్స్‌ లీక్‌!
మాస్‌ మహారాజా రవితేజ నటించిన యాక్షన్‌ థ్రిల్లర్‌ రామారావు ఆన్‌ డ్యూటీ చిత్రం ఎట్టకేలకు నేడు(జులై 29) ప్రేక్షకుల ముందుకు వచ్చింది. ఈ సమయంలో చిత్రబృందానికి ఊహించని షాక్‌ తగిలింది. సినిమా విడుదలకు ఒక్క రోజు ముందే.. అంటే జులై 28న ఈ సినిమాలోని కొన్ని సీన్స్‌ సోషల్‌ మీడియాలో లీకయ్యాయి. రవితేజ పవర్‌ఫుల్‌ డైలాగ్‌తో విలన్లకు వార్నింగ్‌ ఇస్తున్న ఆ సీన్‌ ఇప్పుడు నెట్టింట వైరల్‌గా మారింది.
(చదవండి: ‘రామారావు ఆన్‌ డ్యూటీ’ మూవీ ట్విటర్‌ రివ్యూ)
ఎడిటింగ్ రూం నుండే ఈ వీడియో బ‌య‌ట‌కు వ‌చ్చిన‌ట్లు చిత్రబృందం అనుమానం వ్యక్తం చేస్తోంది. లీక్‌ చేసిన వారిపై కఠిన చర్యలు తీసుకోవాలని రవితేజ ఫ్యాన్స్‌ సోషల్‌ మీడియాలో కామెంట్‌ చేస్తున్నారు. ఈ వ్యవహారంపై చిత్ర నిర్మాతలు సైబర్‌ క్రైమ్‌ పోలీసులకు ఫ్యిరాదు చేసినట్లు తెలుస్తోంది.శ్రీ లక్ష్మీ వెంకటేశ్వర సినిమాస్ ఎల్ఎల్పీ, రవితేజ టీం వర్క్స్ బ్యానర్ల పై సుధాకర్ చెరుకూరి నిర్మిస్తున్న ఈ చిత్రానికి శరత్‌ మండవ దర్శకత్వం వహించారు. రజిషా విజయన్, దివ్యాంశ కౌశిక్‌ హీరోయిన్స్ గా నటించారు. చాలా కాలం తర్వాత వేణు తొట్టెంపూడి ఈ చిత్రంతో రీఎంట్రీ ఇచ్చాడు.
