థీమ్‌ అదిరింది

16 Dec, 2020 08:33 IST|Sakshi

రామ్, నివేదా పేతురాజ్, మాళవికా శర్మ, అమృతా అయ్యర్‌ హీరో హీరో యిన్లుగా కిశోర్‌ తిరుమల దర్శకత్వంలో ‘స్రవంతి’ రవికిశోర్‌ నిర్మించిన చిత్రం ‘రెడ్‌’. ఈ సినిమాలోని ‘కౌన్‌ హే అచ్చా... కౌన్‌ హే లుచ్చా...’ అంటూ సాగే పాటను ఇటీవల విడుదల చేశారు. కిశోర్‌ తిరుమల మాట్లాడుతూ – ‘‘సినిమాలో హీరో కేరక్టర్‌ ఎలివేషన్‌ నేపథ్యంలో వచ్చే పాట ఇది. కల్యాణ్‌ చక్రవర్తి పర్ఫెక్ట్‌గా రాశారు. ‘థీమ్‌ అదిరింది’ అని దర్శకుడు పూరి జగన్నాథ్‌ ఈ పాట గురించి ట్విట్టర్‌లో ప్రత్యేకంగా పేర్కొనడం విశేషం. మణిశర్మగారి బాణీకి అనురాగ్‌ కులకర్ణి గానం అదనపు ఆకర్షణ అయింది’’ అన్నారు. రవికిశోర్‌ మాట్లాడుతూ– ‘‘రెడ్‌’ నుంచి ఏ పాట విడుదలైనా ప్రేక్షకులు బాగా ఆదరిస్తున్నారు. మణిశర్మగారి స్వరాలకు ఎంత గొప్ప ఆదరణ ఉంటుందో మరోసారి నిరూపితం అయింది. సంక్రాంతికి సినిమాను విడుదల చేయాలనే ఆలోచనలో ఉన్నాం’’ అన్నారు. 

మరిన్ని వార్తలు