కోవిడ్‌ పర్సనాలిటీ.. మీరు ఏ టైప్‌?

19 Sep, 2020 13:33 IST|Sakshi

ప్రపంచ వ్యాప్తంగా కరోనా విజృంభణ కొనసాగుతుంది. ప్రస్తుత పరిస్థితుల్లో మాస్క్‌ తప్పనిసరి. అయితే మనలో చాలా మంది మాస్క్‌ను సరిగా ధరించరు. కొందరు చెవులకు తగిలించుకుంటే.. మరి కొందరు ముక్కును కవర్‌ చేయరు. కొందరు మహానుభావులు అసలు మాస్కే ధరించరు. ఈ క్రమంలో నటుడు రితేష్‌ దేశ్‌ముఖ్‌ చేసిన ఓ పోస్ట్‌ ప్రస్తుతం తెగ వైరలవ్వడమే కాకుండా, పడి పడి నవ్వేలా చేస్తుంది. ఈ ట్వీట్‌లో రితేష్‌ దేశ్‌ముఖ్‌ ఓ ఫోటోని షేర్‌ చేశారు. ‘కోవిడ్‌ పర్సనాలిటీ రకాలు’ పేరుతో షేర్‌ చేసిన ఈ ఫోటోలో నాలుగు రకాల వ్యక్తులు ఉన్నారు. మాస్క్‌ సరిగ్గా ధరించిన వ్యక్తిని విజ్ఞాన శాస్త్రవేత్తగా పేర్కొనగా.. మాస్క్‌ ధరించని వ్యక్తిని శాస్త్రాన్ని తిరస్కరించేవాడిగా పేర్కన్నారు. (చదవండి: మాస్క్‌ ఎలా పెట్టుకోవాలో నేర్పించింది)

ఇక మూడవ వ్యక్తి ముక్కును కవర్‌ చేసేలా మాస్క్‌ ధరించలేదు. అతడిని సైన్స్‌ అర్థం కాని వ్యక్తిగా.. గడ్డం మీదుగా మాస్క్‌ ధరించేవారిని మ్యాజిక్‌ని నమ్మే వ్యక్తిగా పేర్కొన్నారు. మీరు ఏ కోవకు చెందుతారో చూడండి. ప్రస్తుతం ఈ ట్వీట్‌ తెగ వైరలవ్వడమే కాక మరింత ఫన్ని కామెంట్లు చేస్తున్నారు నెటిజనులు.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు