దర్శక ధీరుడు ఎస్ఎస్ రాజమౌళి ప్రతిష్టాత్మకంగా తెరకెక్కిస్తోన్న చిత్రం ‘ఆర్ఆర్ఆర్( ‘రౌద్రం.. రణం.. రుధిరం’). యంగ్ టైగర్ ఎన్టీఆర్, మెగా పవర్ స్టార్ రామ్ చరణ్లు హీరోలుగా వస్తోన్న ఈ మూవీని భారీ బడ్జెట్తో డీవీవీ ఎంటర్టైన్మెంట్స్.. పెన్ స్టూడియోస్.. లైకా సంయుక్తంగా నిర్మిస్తున్నారు. ఇందులో బాలీవుడ్ బ్యూటీ అలియా భట్.. హాలీవుడ్ భామా.. ఒలివియా మోరీస్ హీరోయిన్లుగా నటిస్తున్నారు. అంతేకాకుండా.. ఈ మూవీలో బాలీవుడ్ స్టార్ హీరో అజయ్ దేవగణ్ కూడా కీలక పాత్రలలో నటిస్తున్నారు. ఇప్పటికే ఈ సినిమా నుంచి విడుదలైన పోస్టర్స్, ఫస్ట్లుక్ అంచనాలను మరింత పెంచేశాయి.
దాదాపు షూటింగ్ను పూర్తిచేసుకున్న ఈ సినిమా జనవరి 7న ప్రేక్షకుల ముందుకు రానుంది. ఈ నేపథ్యంలో చిత్ర ప్రమోషన్లో భాగంగా దీపావళికి ఆర్ఆర్ఆర్ గ్లింప్స్ రిలీజ్ చేయగా.. అది సోషల్ మీడియాలో దూసుకుపోతుంది. ఇదిలా ఉంటే.. తాజాగా మరో ఇంట్రెస్టింగ్ అప్డేట్ ఇచ్చింది చిత్ర యూనిట్. ఆర్ఆర్ఆర్ సినిమాలోని సెకండ్ సింగిల్ సాంగ్ను నవంబర్ 10న రిలీజ్ చేయబోతున్నట్లుగా ప్రకటించింది. ‘బ్లాస్టింగ్ బీట్స్, హైవోల్జేజ్ డ్యాన్స్ నంబర్’ అనే క్యాప్షన్తో ‘నాటు నాటు’ అంటూ సాగే ఈ పాటను 10వ తేదిన రిలీజ్ చేయబోతున్నట్లు స్పష్టం చేశారు. ఎంఎం కీరవాణి స్వరాలు అందించిన ఈ సాంగ్ తెలుగు, తమిళ్, మలయాళం, కన్నడ, హిందీ భాషల్లో విడుదల చేయబోతున్నారు.
#RRRSecondSingleUpdate for you all.. 🤟🏻
Blasting beats.. A High Voltage Dance number, on Nov 10th. 🕺🕺#NaatuNaatu #NaachoNaacho #NaattuKoothu #HalliNaatu #Karinthol💥💥@ssrajamouli @tarak9999 @AlwaysRamCharan @mmkeeravaani @ajaydevgn @aliaa08 @RRRMovie @DVVMovies #RRRMovie pic.twitter.com/aZLKhzutlJ
— RRR Movie (@RRRMovie) November 5, 2021