Bigg Boss Season 16: సల్మాన్ ఖాన్ పారితోషికం భారీగా తగ్గనుందా.. అందులో నిజమెంత?

21 Sep, 2022 19:05 IST|Sakshi

బాలీవుడ్ స్టార్ హీరో సల్మాన్‌ ఖాన్ హోస్ట్‌గా వ్యవహరిస్తున్న రియాల్టీ షో 'బిగ్ బాస్'. ఈ షో ఇప్పటికే 15 సీజన్లు విజయవంతంగా పూర్తి చేసుకుంది. అయితే సల్మాన్ ఖాన్ ఈ షో కోసం పారితోషికం భారీగా తగ్గించుకున్నట్లు నెట్టింట్లో ఓ వార్త చక్కర్లు కొడుతోంది. ఇప్పటికే ఈ సీజన్‌ సంబంధించిన ప్రోమో విడుదల కాగా.. అభిమానులను విపరీతంగా ఆకట్టుకుంటోంది. త్వరలోనే ఈ షో ప్రారంభం కానుండగా.. మరీ సల్మాన్‌పై వస్తున్న ఊహగానాల్లో వాస్తవమెంతో తెలియాల్సి ఉంది. 

(చదవండి: Kabhi Eid Kabhi Diwali Movie: వెంకటేష్-సల్మాన్ ఖాన్ సినిమా షురూ.. విలన్​గా ?)

గతేడాది ఓటీటీ వేదికగా బాలీవుడ్‌ నిర్మాత కరణ్‌ జోహార్ హోస్ట్‌గా వచ్చిన బిగ్‌బాస్‌ పెద్దగా సక్సెస్ కాలేదు. ఆశించిన ఆదాయం రాబట్టడంలో మేకర్స్ విఫలమయ్యారు. దీంతో సల్మాన్‌ హోస్ట్‌గా ప్రసారమయ్యే రెగ్యులర్‌ షో బిగ్‌బాస్‌పైన ఆ ఎఫెక్ట్‌ పడినట్టుగా వార్తలు వస్తున్నాయి. స్పాన్సర్‌ల సంఖ్య భారీగా తగ్గిపోయిన నేపథ్యంలో ప్రస్తుత సీజన్‌ కోసం ఈ కండల వీరుడు పారితోషికం భారీగా తగ్గించుకుంటున్నట్లు తెలుస్తోంది. బిగ్‌బాస్-15 సీజన్‌లో 14 వారాల కోసం సల్మాన్ ఏకంగా రూ.350 కోట్లు తీసుకున్నారని టాక్. ప్రస్తుత సీజన్ బిగ్ బాస్- 16 అక్టోబర్ 1 నుంచి ప్రసారం కానుంది. ఈ షోలో పాల్గొనే వారిలో శివిన్ నారంగ్, మునావర్ ఫారూకీ, కనికా మాన్, ఫైసల్ షేక్‌ కంటిస్టెంట్లుగా హౌస్‌లో అడుగు పెట్టనున్నారు.

మరిన్ని వార్తలు