సల్మాన్‌ ఖాన్‌ నటించనున్న తొలి బయోపిక్‌! వివరాలివే..

18 Jun, 2021 00:15 IST|Sakshi
సల్మాన్‌ ఖాన్‌

గూఢచారిగా మారనున్నారు బాలీవుడ్‌ బడా హీరో సల్మాన్‌ ఖాన్‌. హిందీ ‘రైడ్‌’ (2018)తో హిట్‌ అందుకున్న దర్శకుడు రాజ్‌కుమార్‌ గుప్తా దర్శకత్వంలో తెరకెక్కనున్న చిత్రంలోనే సల్మాన్‌ గూఢచారిగా కనిపించనున్నారని టాక్‌. ఆల్రెడీ సల్మాన్‌ను రాజ్‌కుమార్‌ గుప్తా కలిసి కథ చెప్పారట. ఈ చిత్రం భారతీయ గూఢచారి రవీంద్ర కౌశిక్‌ జీవితం ఆధారంగా రూపొందనుందని సమాచారం. ఇందులో రవీంద్ర కౌశిక్‌ పాత్రలో సల్మాన్‌ నటించనున్నారనే ప్రచారం జరుగుతోంది.

రవీంద్ర కౌశిక్‌కు బ్లాక్‌ టైగర్‌గా కూడా పేరుంది. ప్రస్తుతం ‘టైగర్‌ 3’తో బిజీగా ఉన్న సల్మాన్‌ ఆ తర్వాత ఫర్హాద్‌ సామ్జీ డైరెక్షన్‌లో ‘భాయీజాన్‌’లో నటిస్తారు. ఈ చిత్రానికి ముందు ‘కభీ ఈద్‌ కభీ దీవాలి’ అని టైటిల్‌ పెట్టారు. అయితే ‘భాయీజాన్‌’గా మార్చారట. ఆ నెక్ట్స్‌ సల్మాన్‌ఖాన్, రాజ్‌కుమార్‌ గుప్తా కాంబినేషన్‌లో రవీంద్ర కౌశిక్‌ బయోపిక్‌ సెట్స్‌పైకి వెళుతుందని ఊహించవచ్చు. ఇదిలా ఉంటే 32 ఏళ్ల కెరీర్‌లో సల్మాన్‌ నటించనున్న తొలి బయోపిక్‌ ఇదే కావడం విశేషం.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు