రామ్‌చరణ్‌ సినిమాలో సల్మాన్‌ఖాన్‌!

12 Apr, 2021 08:09 IST|Sakshi

రామ్‌చరణ్‌తో బాలీవుడ్‌ భాయ్‌ సల్మాన్‌ ఖాన్‌ నటించనున్నారా? అంటే అవుననే టాక్‌ వినిపిస్తోంది. రామ్‌చరణ్‌ హీరోగా శంకర్‌ దర్శకత్వంలో ఓ ప్యాన్‌ ఇండియా మూవీ తెరకెక్కనున్న సంగతి తెలిసిందే. ‘దిల్‌’ రాజు నిర్మించనున్న ఈ భారీ బడ్జెట్‌ సినిమా జూలైలో సెట్స్‌పైకి వెళ్లనుంది. ఈ సినిమాలో ఎంతో ప్రాధాన్యం ఉన్న ఓ పాత్రను దక్షిణాదిలో సూపర్‌ క్రేజ్‌ ఉన్న చిరంజీవితో చేయించాలనే ఆలోచనలో ఉన్నారట శంకర్‌.

అయితే ఇదే పాత్రను హిందీలో సల్మాన్‌ఖాన్‌తో చేయించాలనుకుంటున్నారట. చిరంజీవి– రామ్‌చరణ్‌– సల్మాన్‌ ఖాన్‌ల మధ్య మంచి అనుబంధం ఉంది. ఈ కారణంగా చరణ్‌ సినిమాలో సల్మాన్‌ఖాన్‌ నటించే అవకాశాలు లేకపోలేదని టాక్‌. పైగా కథకి ఎంతో ప్రాధాన్యం ఉన్న పాత్ర కావడంతో సల్లూ భాయ్‌ పచ్చజెండా ఊపుతారనే మాటలు కూడా వినిపిస్తున్నాయి. మరి సల్మాన్‌ నిర్ణయం ఏంటో తెలియాలంటే కొద్ది రోజులు ఓపికపట్టాలి మరి. 

చదవండి :
హోమ్‌ క్వారంటైన్‌కు పవన్‌కల్యాణ్‌
రజనీ రాజకీయాలపై ఎప్పుడో చెప్పా! 

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు