Sanjay Dutt : షూటింగ్‌లో పేలుడు.. సంజయ్‌ దత్‌కి గాయాలు? అసలు నిజమిదే

13 Apr, 2023 08:12 IST|Sakshi

బాలీవుడ్‌ నటుడు సంజయ్‌ దత్‌ కన్నడ సినిమా ‘కేడీ’ షూటింగ్‌లో గాయపడ్డారంటూ బుధవారం సోషల్‌ మీడియాలో ఓ వార్త వైరల్‌గా మారింది. ధృవ సర్జా హీరోగా జోగి ప్రేమ్‌ దర్శకత్వంలో ‘కేడీ: ది డెవిల్‌’ చిత్రం రూపొందుతోంది. బెంగళూరు సమీపంలోని మాగడి వద్ద వేసిన సెట్‌లో ఇటీవల ఫైట్‌ మాస్టర్‌ రవి వర్మ ఆధ్వర్యంలో బాంబు బ్లాస్ట్‌ సీన్స్‌ తీస్తుండగా సంజయ్‌ దత్‌కి గాయాలైనట్లు వార్త గుప్పుమంది.

అయితే ఈ వార్త నిజం కాదని సంజయ్‌ దత్‌ సోషల్‌ మీడియా ద్వారా స్పష్టం చేశారు. ‘‘నాకు గాయాలైనట్లు వచ్చిన వార్త అవాస్తవం. నేను ప్రస్తుతం ‘కేడీ’ షూటింగ్‌లో పాల్గొంటున్నాను. యూనిట్‌ తగిన జాగ్రత్తలు తీసుకుంటున్నారు’’ అన్నారు సంజయ్‌ దత్‌.  

మరిన్ని వార్తలు