Save The Tigers 2 OTT: క్రేజీ వెబ్ సిరీస్ ట్రైలర్ రిలీజ్.. స్ట్రీమింగ్ డేట్ ఫిక్స్

2 Mar, 2024 16:58 IST|Sakshi

తెలుగు క్రేజీ వెబ్ సిరీస్... మరోసారి ఎంటర్‌టైన్ చేయడానికి రెడీ అయిపోయింది. గతేడాది తొలి సీజన్ తో ఆకట్టుకోగా.. ఇప్పుడు రెండో సీజన్‌తో మరింత నవ్వించేందుకు సిద్ధమైపోయారు. తాజాగా ట్రైలర్ రిలీజ్ చేసిన టీమ్.. అలానే రెండో సీజన్ స్ట్రీమింగ్ డేట్ కూడా అధికారికంగా ప్రకటించేశారు.

(ఇదీ చదవండి: ఓటీటీలోకి మలయాళ థ్రిల్లర్ మూవీ.. తెలుగు స్ట్రీమింగ్‌ ఎప్పుడంటే?)

ఓటీటీల వరకు తెలుగులో పలు సినిమాలు వచ్చాయి. కానీ స్ట్రెయిట్ తెలుగు వెబ్ సిరీసులు చాలా తక్కువే వచ్చాయి. వాటిలో కొన్ని మాత్రమే ప్రేక్షకుల్ని ఆకట్టుకుని హిట్ అయ్యాయి. అలాంటి వాటిలో 'సేవ్ ద టైగర్స్' ఒకటి. భార్య-భర్తలు.. వాళ్ల మధ్య ఉండే ప్రాబ్లమ్స్, తద్వారా వచ్చే ఫన్ తదితర అంశాలతో ఈ సిరీస్ తీశారు. పెద్దగా అంచనాల్లేకుండా గతేడాది రిలీజైన ఈ సిరీస్ హిట్ అయింది. 

మహి వి రాఘవ, ప్రదీప్ అద్వైతం రూపొందించిన 'సేవ్ ద టైగర్స్' రెండో సీజన్ మార్చి 15 నుంచి హాట్‌స్టార్‌లో స్ట్రీమింగ్ కానుంది. తాజాగా ట్రైలర్ రిలీజ్ చేయగా.. ఇందులో హంసలేఖ అనే అమ్మాయి మిస్సింగ్ కేసులో ముగ్గురు భర్తలు ఇరుక్కోవడం అనే కాన్సెప్ట్ చూపించారు. ఇంతకీ హంసలేఖ ఎవరు? ఆమెతో వీళ్ల ఫ్రెండ్‌షిప్ ఎక్కడికి దారితీసిందనేది రెండో సీజన్ స్టోరీ.

(ఇదీ చదవండి: సడన్‌గా ఓటీటీలోకి వచ్చేసిన తెలుగు సైకలాజికల్ థ్రిల్లర్ సినిమా)

whatsapp channel

మరిన్ని వార్తలు