సాక్షి, ముంబై: ‘‘జీరో’’ సినిమా డిజాస్టర్‌ తర్వాత బాలీవుడ్‌ బాద్‌షా చాలాకాలం పాటు వెండితెరకు దూరమయ్యాడు. ఈ సినిమా అభిమానులను ఎంతగానో నిరాశపరటడంతో భారీ యాక్షన్‌ ఎంటర్‌టైనర్‌తో ప్రేక్షకుల ముందుకు వచ్చేందుకు సిద్ధమయ్యాడు. యశ్‌ రాజ్ ఫిల్మ్స్‌ నిర్మాణ సారథ్యంలో సిద్ధార్థ్‌ ఆనంద్‌ దర్శకత్వంలో తెరకెక్కే పఠాన్ మూవీతో ఈ సారి ఎలాగైనా హిట్‌ కొట్టాలనే కసి మీద ఉన్నాడు. ఈ సినిమాను ఇప్పటికే సెట్స్‌ మీదకు తీసుకువెళ్లినట్లు సమాచారం.
ఈ నేపథ్యంలో షారుక్‌ సరికొత్త లుక్‌తో కనిపిస్త్ను ఫొటోలు సోషల్‌ మీడియాలో వైరల్ అవుతున్నాయి. ముంబైలోని యష్ రాజ్ స్టూడియో ప్రాంగణంలో షారుఖ్ ఖాన్ సరికొత్తగా కనిపించాడు. పొడవాటి జుట్టు, హెయిర్‌ బ్యాండ్‌, గడ్డంతో ఉన్న కింగ్‌ఖాన్‌ న్యూలుక్‌ అభిమానులను ఆకర్షిస్తోంది. ఈ క్రమంలో పఠాన్ చిత్రం పట్టాలెక్కిందని, త్వరలోనే షారుక్‌ను వెండితెర మీద చూసే అవకాశం వస్తుందంటూ కామెంట్లు చేస్తున్నారు.
