Sonu Sood: సిస్టర్స్‌కు అండగా నిలుద్దాం.. సోనూసూద్ విజ్ఞప్తి

18 Sep, 2022 16:24 IST|Sakshi

పంజాబ్‌ చండీగఢ్ యూనివర్సిటీ ఘటనపై బాలీవుడ్ నటుడు సోనూసూద్ స్పందించారు. ఇలాంటి ఘటన జరగడం దురదృష‍్టకరమన్నారు. దయచేసి ఎవరూ ఆ వీడియోలను సామాజిక మాధ్యమాల‍్లో  షేర్ చేయవద్దని ఆయన విజ్ఞప్తి చేశారు. ఇలాంటి క‍్లిష్ట సమయంలో మనం వారికి పూర్తి అండగా నిలవాలని ట్విట్టర్‌ ద్వారా సోనూ సూద్ కోరారు. 

 'చండీగఢ్‌ యూనివర్శిటీలో ఇలాంటి ఘటన జరగడం దురదృష‍్టకరం. ఈ కష్ట సమయంలో మనందరం బాధ్యతాయుతంగా వ్యవహరించాలి.  ఈ విషయంలో మన సిస‍్టర్స్‌కు అండగా నిలుద్దాం. దయచేసి ఎవరూ కూడా సామాజిక మాధ్యమాల్లో ఆ వీడియోలు షేర్ చేయొద్దు. ఇది మనందరికీ పరీక్ష సమయం. బాధ్యత గల పౌరులుగా మన బాధితుల తరఫున నిలుద్దాం' అని ట్విట్టర్‌లో సోనూసూద్ కోరారు. 

అసలేం జరిగిందంటే: పంజాబ్‌లోని చండీగఢ్‌ యూనివర్సీటీలోని హాస్టల్‌లో దాదాపు 60 మంది యువతుల ప్రైవేటు వీడియోలను వారితో కలిసి ఉండే మరో యువతి తీయడం సంచలనంగా మారింది. అంతే కాకుండా ఆ వీడియోలు ఆ యువతి స‍్నేహితుల ద్వారా సోషల్ మీడియాలో షేర్ కావడంతో బాధిత యువతులు ఆందోళనకు దిగారు. కొంతమంది బాధితులు ఆత్మహత‍్యకు కూడా యత్నించారు. అయితే ఈ ఘటనను పోలీసులు, యూనివర్శిటీ యాజమాన్యం ఖండించింది.  దీనిపై విచారణ జరుగుతోందని పోలీసులకు పూర్తి స్థాయిలో సహకరిస్తామని వర్సిటీ అధికారులు స్పష్టం చేశారు. 

మరిన్ని వార్తలు