Jai Bhim Trailer: వాళ్ల కోసం ఫైట్‌ చేస్తానంటున్న లాయర్‌ సూర్య

22 Oct, 2021 21:41 IST|Sakshi

తమిళ స్టార్‌ హీరో సూర్య గురించి ప్రత్యేకంగా పరిచయం అక్కర్లేదు. ఆయనకు తమిళనాట మాత్రమే కాకుండా తెలుగులోనూ విపరీతమైన క్రేజ్‌ ఉంది. అందుకే ఆయన సినిమాలన్నీ తెలుగులోనూ డబ్‌ అవుతూ వస్తున్నాయి. ఈ క్రమంలో గతేడాది వచ్చిన 'ఆకాశం నీ హద్దురా' చిత్రం ఘన విజయాన్ని నమోదు చేసుకుంది.

తాజాగా సూర్య నటించిన మరో చిత్రం 'జై భీమ్‌' కూడా ఓటీటీ బాట పట్టింది. టీజే జ్ఞానవేల్‌ దర్శకత్వం వహించిన ఈ సినిమాలో సూర్య లాయర్‌ పాత్ర పోషిస్తున్నాడు. శుక్రవారం ఈ సినిమా ట్రైలర్‌ రిలీజైంది. 'పోరాడుదాం పోరాడుదాం.. న్యాయం జరిగేవరకు పోరాడుదాం' అన్న నినాదాలతో ట్రైలర్‌ ప్రారంభమవుతుంది. అమాయక గిరిజనుల కోసం పోరాడుతున్న లాయర్‌గా సూర్య అదరగొట్టాడు. నిజ సంఘటనల ఆధారంగా ఈ సినిమా రూపొందించినట్లు తెలుస్తోంది. 'జై భీమ్‌' నవంబర్‌ 2 నుంచి అమెజాన్‌ ప్రైమ్‌లో అందుబాటులోకి రానుంది. ఈ సినిమాలో ప్రకాశ్‌రాజ్‌, రావు రమేశ్‌, లిజొమోల్‌ జోస్‌, రాజీశ విజయన్‌, మణికందన్‌ ముఖ్యపాత్రలు పోషించారు.

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు