Keedaa Cola: అరేయ్.. బాటిల్‌లో ఏదో ఉందిరా?.. నవ్వులు తెప్పిస్తోన్న ట్రైలర్

18 Oct, 2023 13:45 IST|Sakshi

పెళ్ళిచూపులు, ‘ఈ నగరానికి ఏమైంది?’ చిత్రాల ఫేమ్‌ దర్శకుడు, జాతీయ అవార్డ్ గ్రహీత తరుణ్‌ భాస్కర్‌ నటించి, తెరకెక్కించిన తాజా చిత్రం ‘కీడా కోలా’.  క్రైమ్‌ కామెడీ జానర్‌లో రూపొందిన ఈ యూత్‌ఫుల్‌ ఎంటర్‌టైనర్‌ మూవీలో బ్రహ్మానందం, రఘురామ్, రవీంద్ర విజయ్‌ ప్రధాన పాత్రలు పోషిస్తున్నారు. కె.వివేక్‌ సుధాంషు, సాయికృష్ణ గద్వాల్, శ్రీనివాస్‌ కౌశిక్, శ్రీసాద్‌ నందిరాజ్, ఉపేంద్ర వర్మ ఈ సినిమాను నిర్మించారు. తాజాగా ఈ మూవీ ట్రైలర్‌ను రిలీజ్ చేశారు మేకర్స్.  

ట్రైలర్ చూస్తే ఫుల్ కామెడీ ఎంటర్‌టైనర్‌గా తెరకెక్కించినట్లు తెలుస్తోంది. అలాగే బ్రహ్మానందం సీన్స్‌తో కడుపుబ్బా నవ్వుకోవడం ఖాయంగా కనిపిస్తోంది. కాగా ఈ సినిమా నటుడు, నిర్మాత రానా దగ్గుబాటి సమర్పణలో నవంబరు 3న విడుదల చేయనున్నట్లు ఇప్పటికే వెల్లడించారు. ఈ సినిమాకు  వివేక్‌ సాగర్‌ సంగీతమందిస్తున్నారు. 

మరిన్ని వార్తలు