రవితేజ టైగర్ నాగేశ్వరరావు.. మేకర్స్ క్రేజీ అప్‌డేట్!

మాస్ మహారాజా రవితేజ బ్యాక్‌ టు బ్యాక్‌ సినిమాలతో దూసుకుపోతున్నారు. రవితేజ, నుపుర్ సనన్, గా యత్రి భరద్వాజ్‌ హీరో, హీరోయిన్లుగా తెరకెక్కుతోన్న చిత్రం టైగర్‌ నాగేశ్వరరావు. 1970లో జరిగిన యథార్థ ఘటన ఆధారంగా ఈ చిత్రాన్ని రూపొందిస్తున్నారు. వంశీకృష్ణనాయుడు దర్శకత్వంలో.. అభిషేక్‌ అగర్వాల్‌ నిర్మిస్తున్నారు. తాజాగా ఈ మూవీకి సంబంధించి క్రేజీ అప్‌డేట్ ఇచ్చారు మేకర్స్. గుంటూరు జిల్లాలోని స్టువర్టుపురానికి చెందిన ఒకనాటి గజదొంగ టైగర్‌ నాగేశ్వరరావు జీవితాన్నే ఈ చిత్రంలో చూపించనున్నారు.

తాజాగా ఈ మూవీ ట్రైలర్‌ను అక్టోబర్‌ 3న రిలీజ్ చేయనున్నట్లు మేకర్స్ ప్రకటించారు. ఈ మేరకు ట్విటర్‌లో పోస్ట్ చేశారు. ఇట్స్‌ టైమ్‌ టూ రోర్ అంటూ రవితేజ మాస్‌ లుక్‌ పోస్టర్‌ను రిలీజ్ చేశారు. ఈ ఫోటోలో సిగరెట్‌ తాగుతూ పక్కా మాస్ లుక్‌లో కనిపించారు. కాగా.. ఈ చిత్రాన్ని అక్టోబర్‌ 20న ఈ సినిమాను విడుదల చేయనున్నట్లు అధికారికంగా ప్రకటించారు. ఇప్పటికే టీజర్ రిలీజ్ కాగా ఆడియన్స్ నుంచి అదిరిపోయే రెస్పాన్స్ వచ్చింది.