టాలీవుడ్‌ ప్రముఖ మేకప్‌ మ్యాన్‌ కన్నుమూత

18 May, 2021 14:32 IST|Sakshi

ప్రాణాంతక కరోనా వైరస్‌ కారణంగా ఎంతోమంది సినీ ప్రముఖులు అసువులు బాసారు. తాజాగా ప్రముఖ తెలుగు మేకప్‌ మ్యాన్‌ గంగాధర​ కరోనాతో కన్నుమూశాడు. కొద్దిరోజుల క్రితం కరోనా లక్షణాలు కనిపించడంతో పరీక్ష చేయించుకున్న ఆయనకు ఫలితాల్లో పాజిటివ్‌ అని తేలింది. దీంతో ఓ ప్రైవేట్‌ ఆస్పత్రిలో చికిత్స తీసుకుంటుండగా.. మంగళవారం తుది శ్వాస విడిచాడు.

సుమారు పాతికేళ్లకు పైగా ఇండస్ట్రీలో ఉన్న ఆయన తెలుగు, తమిళ, కన్నడ, బాలీవుడ్‌ హీరోలకు మేకప్‌మెన్‌గా పని చేశాడు. ఉత్తమ మేకప్‌ మ్యాన్‌గా నంది అవార్డును సైతం అందుకున్నాడు. అంతేకాకుండా హీరో శివాజీకి వ్యక్తిగత మేకప్‌ మ్యాన్‌గానూ పని చేశాడు. ఆయన మృతి పట్ల హీరో శివాజీ, నిర్మాత బెక్కెం వేణు గోపాల్‌ సహా పలువురు సినీ ప్రముఖులు సంతాపం ప్రకటించారు.

చదవండి: OTT: ఈ పాపులర్‌ సినిమాలు చూశారా?

Read latest Movies News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు